Tomato Prices: దేశవ్యాప్తంగా టమాటా ధరలు ఎలా ఉన్నాయంటే..?

Tomato Prices: దేశవ్యాప్తంగా టమాటా ధరలు (Tomato Prices) అధిక స్థాయిలో ఉండడంతో సామాన్యులకు చాలా ఇబ్బందిగా మారింది. దేశంలోని చాలా ప్రాంతాల్లో టమాటా కిలో రూ.100 నుంచి 160 వరకు విక్రయిస్తున్నారు. దేశంలోని ఒక నగరంలో టమాటా కిలో రూ.200కి అమ్ముడవుతోంది. వచ్చే వారం నాటికి ఈ టమాటా ధర కిలో రూ.250కి పెరుగుతుందని అంచనా.

ఐఏఎన్‌ఎస్‌ కథనం ప్రకారం.. మార్కెట్‌లో టమాటా కొరత కారణంగా ధరలు పెరిగాయని కోయంబేడు మార్కెట్‌కు చెందిన హోల్‌సేల్ వ్యాపారి తెలిపారు. రోజురోజుకు పెరుగుతున్న టమాటా ధరలతో తమిళనాడు ప్రజలు నిత్యం ఇబ్బందులు పడుతున్నారు. రాష్ట్ర రాజధానితోపాటు పలు నగరాల్లో టోకు కూరగాయల ధర కిలో రూ.200కి చేరింది.

తమిళనాడులో టమాటా ధరలు ఎందుకు అంతగా పెరుగుతున్నాయి..?

కర్నాటక, ఆంధ్రప్రదేశ్‌ల నుంచి టమాటా సరఫరా తక్కువగా ఉందని ఐఏఎన్‌ఎస్‌ నివేదికలో పేర్కొంది. ఆయా ప్రాంతాల్లో అడపాదడపా వర్షాలు కురుస్తున్నాయని, దీంతో పంటకు తీవ్ర నష్టం వాటిల్లుతుందని నివేదికలో పేర్కొంది. భారీ వర్షాల కారణంగా పంట మొత్తం నాశనమైందని, దీంతో ప్రస్తుతం టమాటా కొరత ఏర్పడి అధిక ధరలకు దారితీస్తోందన్నారు.

Also Read: Pooja Room Tips: మీ పూజ గదిలో ఎన్ని విగ్రహాలు ఉన్నాయి.. ఎన్ని ఉండాలి, ఉండకూడదో తెలుసా?

టమాటా ధరలు ఈ మేరకు పెరగవచ్చు

వ్యాపారుల అంచనాల ప్రకారం టమాటా ధరలు ఇలాగే పెరిగే అవకాశం ఉందని, వచ్చే వారంలోగా కిలో రూ.250కి చేరే అవకాశం ఉందన్నారు. కోయంబేడు హోల్‌సేల్‌ మర్చంట్స్‌ అసోసియేషన్‌ కార్యదర్శి పి.సుకుమారన్‌ మాట్లాడుతూ.. ఈ మార్కెట్‌ ప్రారంభమైన తర్వాత టమాటా ధర కిలో రూ.200కు చేరడం ఇదే తొలిసారి. అయితే జులై 20 వరకు ధర నిలకడగా ఉందని కూడా ఆయన చెప్పారు. హోల్ సేల్ మార్కెట్ లో టమాటా కిలో రూ.200 పలుకుతోంది.

టమోటాలు ఎక్కడ నుండి వస్తాయి

ప్రస్తుతం దేశంలో టమాటా సరఫరా కోసం పలు రాష్ట్రాల నుంచి టమాటా కొనుగోలు చేస్తున్నారు. PTI ప్రకారం.. NCCF ప్రధాన ఉత్పత్తి రాష్ట్రాలైన కర్ణాటక, ఆంధ్రప్రదేశ్, మహారాష్ట్ర నుండి టమోటాలను సేకరిస్తోంది. వినియోగదారుల వ్యవహారాల మంత్రిత్వ శాఖ గణాంకాల ప్రకారం.. జూలై 29 వరకు టమాటా సగటు రిటైల్ ధర కిలోకు రూ. 123.49 కాగా, కనిష్ట ధర కిలో రూ. 29. జూలై 29న ఢిల్లీలో టమాటా కిలో రూ.167, ముంబైలో రూ.155, చెన్నైలో కిలో రూ.133గా ఉన్నట్లు సమాచారం.