Indian Companies: అమెరికా తర్వాత యూరోపియన్ యూనియన్ (EU) మూడు భారతీయ చమురు కంపెనీల (Indian Companies)పై ఆంక్షలు విధించి భారతదేశానికి షాక్ ఇచ్చింది. రష్యా నుంచి చమురు వ్యాపారం చేయడం, రష్యా చమురు కంపెనీలతో సంబంధాలు కలిగి ఉండటం వల్ల భారతీయ కంపెనీలపై నిషేధం విధించారు. దీని ఉద్దేశం భారత్‌పై ఆర్థిక ఒత్తిడి పెంచి రష్యా నుంచి చమురు కొనుగోలును ఆపించడం అని విశ్లేష‌కులు భావిస్తున్నారు.
దీనికి ముందు అమెరికా ఇప్పటికే రెండు రష్యా చమురు కంపెనీలపై ఆంక్షలు విధించింది. అంతేకాకుండా రష్యాతో చమురు వ్యాపారం కోసం అప్పటి అధ్యక్షుడు ట్రంప్ భారతదేశంపై 25 శాతం సుంకాన్ని (Tariff) పెనాల్టీగా విధించారు. ఉక్రెయిన్‌పై యుద్ధం చేయడానికి రష్యాకు ఆర్థిక సహాయం అందకుండా అడ్డుకోవడానికి ఈ ఆంక్షలు విధిస్తున్నారు.
45 కంపెనీలపై నిషేధం విధించిన యూనియన్
రష్యాపై ఆర్థిక ఒత్తిడి పెంచే ఉద్దేశంతో యూరోపియన్ యూనియన్ ప్రపంచవ్యాప్తంగా 45 కంపెనీలపై నిషేధం విధించింది. ఇందులో భారతదేశానికి చెందిన 3 కంపెనీలు కూడా ఉన్నాయి. ఆంక్షలు ఎదుర్కొన్న కంపెనీలలో కంప్యూటర్ న్యూమరికల్ కంట్రోల్ (CNC) మెషిన్ టూల్స్, మైక్రో ఎలక్ట్రానిక్స్, మానవరహిత వైమానిక వాహనాలు (UAV), ఇతర ఉత్పత్తులను తయారుచేసే కంపెనీలు ఉన్నాయి.
Also Read: New Rules: అల‌ర్ట్‌.. న‌వంబ‌ర్ నుంచి కొత్త రూల్స్‌!
ఈ కంపెనీలు రష్యా నుంచి చమురు కొనుగోలు చేసి ఉక్రెయిన్‌పై యుద్ధంలో రష్యా సైనిక, మిలిటరీ పరిశ్రమకు నిధులు సమకూరుస్తున్నాయని ఆరోపణలు ఉన్నాయి. నిషేధించిన 45 కంపెనీల్లో 12 చైనా, హాంకాంగ్‌కు చెందినవి. 3 భారతదేశం, 2 థాయ్‌లాండ్‌కు చెందిన కంపెనీలు ఉన్నాయి. మిగిలిన కంపెనీలు రష్యాలో ప్లాంట్లు, కార్యాలయాలు లేదా ఫ్యాక్టరీలు లేకపోయినా రష్యా చమురు కంపెనీలతో లింకులు కలిగి ఉన్నాయి.
భారతదేశానికి చెందిన ఈ కంపెనీలపై నిషేధం
యూరోపియన్ యూనియన్ భారతదేశానికి చెందిన మూడు కంపెనీలపై నిషేధం విధించింది. అవి ఏరోట్రస్ట్ ఏవియేషన్ ప్రైవేట్ లిమిటెడ్, అసెండ్ ఏవియేషన్ ఇండియా ప్రైవేట్ లిమిటెడ్, శ్రీ ఎంటర్‌ప్రైజెస్.
- ఏరోట్రస్ట్ కంపెనీ ఏవియేషన్ రంగానికి చెందినది. రష్యాకు సాంకేతిక సహాయం అందిస్తుంద‌నే ఆరోపణ ఉంది.
- రెండవ కంపెనీ రష్యాకు చేసే ఎగుమతులపై ఉన్న నిషేధాలను ఉల్లంఘించిందనే ఆరోపణ ఎదుర్కొంటోంది.
- మూడవ కంపెనీ సాధారణ వ్యాపార సంస్థ అయినప్పటికీ రష్యా సైన్యానికి నిధులు సమకూరుస్తుందని ఆరోపణ ఉంది.