ప్రపంచవ్యాప్తంగా క్రిస్మస్ (Christmas) సందడి అంబరాన్నంటుతోంది. ఒడిశాలోని గంజాం జిల్లా గోపాలపూర్ తీరంలో సంబరాల నేపథ్యంలో పూరీకి చెందిన అంతర్జాతీయ శిల్పి సుదర్శన్ పట్నాయక్ (Sudarsan Pattnaik) భారీ శాంతాక్లాజ్ సైకత శిల్పం (Santa Claus sculpture) తీర్చిదిద్దారు. శనివారం రాత్రి దీన్ని ఉన్నతాధికారులు ఆవిష్కరించారు. ఇసుక, టమాటాలతో 27 అడుగుల ఎత్తున దీన్ని తీర్చిదిద్దామని, 15 మంది శిష్యులు సహకరించారని సుదర్శన్ పట్నాయక్ వివరించారు. దీన్ని గిన్నిస్ బుక్ ఆఫ్ వరల్డ్ రికార్డ్స్ కు పంపుతున్నట్లు వెల్లడించారు. ఈ సైకత శిల్పం అందరినీ ఆకట్టుకుంటోంది.
సుదర్శన్ పట్నాయక్ 27 అడుగుల ఎత్తు, 60 అడుగుల వెడల్పుతో శాంతాక్లాజ్ను తయారు చేసేందుకు 1,500 కిలోల టమోటాలను ఉపయోగించారు. ఒడిశాలోని గోపాల్పూర్ బీచ్లో అతను ఈ సైకత శిల్పం రూపొందించాడు. ఈ సైకత శిల్పం ద్వారా అతను శాంటా అతిపెద్ద సైకత శిల్పంను రూపొందించి ప్రపంచ రికార్డులో తన పేరును నమోదు చేసుకున్నాడు. సుదర్శన్ పట్నాయక్ శాండ్ ఆర్ట్ వర్క్స్ ఎప్పుడూ చర్చలో ఉంటుంది. ఇటీవల ప్రధాని నరేంద్ర మోడీ పుట్టినరోజు సందర్భంగా అతను తన ప్రత్యేకమైన శైలిలో సైకత శిల్పం రూపొందించి పుట్టినరోజు శుభాకాంక్షలు తెలిపాడు. అతను పూరీ బీచ్లో మోడీ ఐదు అడుగుల ఇసుక శిల్పాన్ని తయారు చేశాడు. ప్రధాని మోడీ విగ్రహం చుట్టూ మట్టితో చేసిన 1,213 టీ కప్పులను ఉంచాడు.
Also Read: Rahul Gandhi : ఇది అంబానీ, అదానీ ప్రభుత్వం: రాహుల్ గాంధీ
ఇసుక కళాకారుడు సుదర్శన్ పట్నాయక్ తన అద్భుతమైన కళకు భారత ప్రభుత్వం పద్మశ్రీతో సత్కరించింది. ఈ నైపుణ్యానికి అతను ప్రపంచవ్యాప్తంగా అనేక అవార్డులు, గౌరవాలను అందుకున్నాడు. ప్రధాని నరేంద్ర మోదీ, రాష్ట్రపతి ద్రౌపది ముర్ముతో పాటు జాతిపిత మహాత్మా గాంధీతో సహా పలువురి ఇసుక చిత్రాలను ఆయన రూపొందించారు.
#TomatoSanta World's biggest Tomato with Sand #SantaClause installation of 1.5 tons of Tamato at Gopalpur beach in Odisha , India. This sculpture is 27ft high, 60 ft wide. My students joined hand with me to complete the sculpture. #MerryChristmas2022 pic.twitter.com/s1cOeYQzEC
— Sudarsan Pattnaik (@sudarsansand) December 25, 2022