“Tira” అనే బ్యూటీ యాప్ ను మార్కెట్లోకి రిలయన్స్ (Reliance) రిటైల్ లాంచ్ చేయనుంది. తొలి విడతగా ఇప్పటికే దీన్ని రిలయన్స్ రిటైల్ ఉద్యోగులకు అందుబాటులోకి తెచ్చారు. ఇంకొన్ని వారాల్లో వినియోగదారులు అందరి కోసం “Tira” యాప్ ను రిలీజ్ చేయనున్నారు. Tira బ్రాండెడ్ స్కిన్ కేర్, కాస్మెటిక్ ఉత్పత్తులను విక్రయించే దుకాణాలు కూడా తెరవబడతాయి. మొదటి స్టోర్ ను మార్చి చివరి వారం లేదా ఏప్రిల్‌లో ముంబైలో తెరవనున్నారు. రిలయన్స్ రిటైల్ స్టోర్లలోనూ Tira బ్యూటీ ప్రోడక్ట్స్ ను విక్రయించ నున్నారు.ఇప్పటికే కిరాణా, ఫ్యాషన్, జీవనశైలి, పాదరక్షలు, ఎలక్ట్రానిక్స్, మందులు, గృహోపకరణాలపై ఆసక్తి ఉన్న రిలయన్స్ (Reliance) రిటైల్ కంపెనీ ఇప్పుడు బ్యూటీ స్టోర్ కాన్సెప్ట్ కూడా సెట్ చేయనుంది.2025 నాటికి మన దేశం యొక్క అందం, వ్యక్తిగత సంరక్షణ ఉత్పత్తుల మార్కెట్ 2.2 ట్రిలియన్‌ రూపాయలకు చేరుకుంటుందని అంచనాలు సూచిస్తున్నాయి.
మింత్రా, నైకా, టాటా గ్రూప్ బాటలోనే..
ఇటీవల కాలంలో మింత్రా, నైకా, టాటా గ్రూప్ వంటి కంపెనీలు సైతం బ్యూటీ మార్కెట్‌లో మరింత యాక్టివ్‌గా మారాయి. ఎందుకంటే భారతదేశంలో అటువంటి ఉత్పత్తుల వ్యాప్తి ఇప్పటికీ తక్కువగానే ఉంది. యువకులు, అవగాహన ఉన్న వినియోగ దారులు లిప్‌స్టిక్‌లు , ఐ లైనర్‌లపై ఎక్కువ ఖర్చు చేస్తారని ఆయా కంపెనీలు భావిస్తున్నాయి. ప్రజల ఆదాయాలు పెరిగే కొద్దీ .. బ్యూటీ ప్రోడక్ట్స్ కొనుగోలుకు పెట్టే ఖర్చులు పెరుగుతాయని ఆయా కంపెనీలు నమ్ముతున్నాయి. అందుకే బ్యూటీ ప్రోడక్ట్స్ విభాగం పై ఫోకస్ చేస్తున్నాయి. ఈక్రమంలోనే రిలయన్స్ కూడా ఈ విభాగంలోకి అడుగు పెడుతోంది. ఇప్పటికే అందుబాటులో ఉన్న రిటైల్ స్టోర్ల అండతో tira బ్యూటీ ప్రోడక్ట్స్ సేల్ చేసుకోగలమని నమ్ముతోంది.
RRVL నేపథ్యం..
రిలయన్స్ రిటైల్ అనేది రిలయన్స్ రిటైల్ వెంచర్స్ లిమిటెడ్ యొక్క అనుబంధ సంస్థ, ఇది రిలయన్స్ ఇండస్ట్రీస్ లిమిటెడ్ కింద అన్ని రిటైల్ వ్యాపారాల హోల్డింగ్ కంపెనీ. RRVL, దాని అనుబంధ సంస్థలు మరియు అనుబంధ సంస్థల ద్వారా, 17,225 స్టోర్‌లు మరియు డిజిటల్ వాణిజ్య ప్లాట్‌ఫారమ్‌ల ద్వారా ఎలక్ట్రానిక్, కిరాణా, వినియోగదారుల అంతటా ఏకీకృత ఓమ్నీ ఛానెల్ నెట్‌వర్క్‌ను నిర్వహిస్తోంది. RRVL 2022 మార్చి 31తో ముగిసిన సంవత్సరానికి ₹ 199,704 కోట్ల కన్సాలిడేటెడ్ టర్నోవర్, ₹ 7,055 కోట్ల నికర లాభాన్ని నివేదించింది.
Also Read: India vs Australia: విశాఖలో భారత్‌, ఆసీస్ వన్డే. టిక్కెట్లు అమ్మకం ఎప్పుడంటే?