Bangladesh Protests: బంగ్లాదేశ్లో విద్యార్థుల హింసాత్మక నిరసనలు నిరంతరం పెరుగుతున్నాయి. దేశంలో పెరుగుతున్న హింసాత్మక సంఘటనలను అణిచివేసేందుకు కర్ఫ్యూ విధించారు. బంగ్లాదేశ్ వీధుల్లో భారీగా సైనికులు మోహరించారు. ప్రభుత్వం యాక్షన్ మోడ్లోకి వచ్చింది. కర్ఫ్యూను ఉల్లంఘించే వారిని చూడగానే కాల్చివేయాలని పోలీసులను ఆదేశించింది.
ఈ వారం హింసలో ఇప్పటివరకు 133 మంది మరణించార. ఇది 15 సంవత్సరాలుగా అధికారంలో ఉన్న ప్రధాని షేక్ హసీనా ప్రభుత్వానికి పెద్ద సవాలుగా రుజువు చేస్తోంది. ప్రణాళికాబద్ధమైన దౌత్య పర్యటన కోసం షేక్ హసీనా విదేశాల్లో ఉన్నారు. అయితే నిరసనల కారణంగా ఆమె ప్రణాళికలను రద్దు చేసుకుంది.
బంగ్లాదేశ్ నుండి 1 వేల మందికి పైగా భారతీయ విద్యార్థులు వివిధ సరిహద్దుల ద్వారా లేదా విమానం ద్వారా భారతదేశానికి తిరిగి వచ్చారు. విదేశాంగ మంత్రి ఎస్ జైశంకర్ కూడా దీనిపై ప్రకటన చేసి విద్యార్థుల భద్రతకు హామీ ఇచ్చారు. మరోవైపు ఈ రోజు బంగ్లాదేశ్ సుప్రీంకోర్టు వివాదాస్పద ఉద్యోగ కోటాను రద్దు చేయాలా వద్దా అని నిర్ణయించనుంది.
బంగ్లాదేశ్లోని అధికారులు మొత్తం ఇంటర్నెట్ను మూసివేశారు. దేశవ్యాప్తంగా కమ్యూనికేషన్లకు తీవ్ర అంతరాయం ఏర్పడింది. ప్రభుత్వ వెబ్సైట్లు ఇప్పటికీ ఆఫ్లైన్లో ఉన్నాయి. అనేక ప్రధాన వార్తాపత్రికలు తమ సోషల్ మీడియా ప్లాట్ఫారమ్లను నవీకరించలేకపోయాయి. యూఎస్ స్టేట్ డిపార్ట్మెంట్ బంగ్లాదేశ్కు ప్రయాణించకుండా అమెరికన్లకు సలహాలను జారీ చేసింది.
బంగ్లాదేశ్ రాజధాని ఢాకా మరియు ఇతర ప్రాంతాలలో ప్రభుత్వ ఉద్యోగాలలో కోటా విధానాన్ని సంస్కరించాలని డిమాండ్ చేస్తూ విద్యార్థుల నిరసనల కారణంగా హింస పెరిగింది. 1971లో పాకిస్తాన్పై బంగ్లాదేశ్ స్వాతంత్ర్య యుద్ధంలో పోరాడిన యోధుల బంధువులకు ప్రభుత్వ ఉద్యోగాల్లో 30 శాతం వరకు రిజర్వేషన్లు కల్పించాలని, కోటా విధానాన్ని రద్దు చేయాలని నిరసనకారులు డిమాండ్ చేస్తున్నారు.
Also Read: Tata Curvv SUV Coupe: టాటా నుంచి మరో కొత్త ఎస్యూవీ కార్.. ధర, ఫీచర్స్ ఇవే!