Porn Video: షాకింగ్.. రైల్వే స్టేషన్ టీవీల్లో బూతు వీడియోలు, షాకైన ప్రయాణికులు!

Train

దేశంలోని పలు రైల్వే స్టేషన్స్ లలో ప్రయాణికుల సౌకర్యం కోసం టీవీలు ఏర్పాటు చేయడం సహాజమే. రైళ్ల రాకపోకలు, వివిధ యాడ్స్ వీడియోలు ప్లే చేస్తుంటారు. కానీ ఓ రైల్వే స్టేషన్ లోని టీవీల్లో పోర్న్ వీడియో ప్లే కావడం ప్రయాణికులను తీవ్ర ఇబ్బందులకు గురిచేసింది. ఈ ఘటన పాట్నా రైల్వే స్టేషన్‌లో జరిగింది. రైళ్లు ఎక్కడానికి వేచి ఉన్న వందలాది మంది ప్రయాణికులు 10 ప్లాట్‌ఫారమ్‌లలో ఏర్పాటు చేసిన అన్ని టీవీలను చూస్తున్నారు.

అయితే ఏమైందో ఏమోకానీ.. ఆయా స్క్రీన్స్ పై  మూడు నిమిషాలపాటు పోర్న్ వీడియోలు ప్లే అయ్యాయి. దీంతో స్టేషన్ లోని ప్రయాణికులు కంగు తిన్నారు. ఈ ఘటన ఆదివారం జరిగినట్టు తెలుస్తోంది. దానాపూర్‌ డివిజన్‌లోని రైల్వేస్టేషన్లలో వీడియోలు, సినిమాల ప్రసారాల కాంట్రాక్టును ఓ ప్రైవేట్‌ సంస్థకు అప్పగించారు. ప్రస్తుతం ఈ వీడియో సోషల్ మీడియాలో వైరల్ అవుతోంది.

రైల్వే ప్రొటెక్షన్ ఫోర్స్ (ఆర్‌పిఎఫ్) అధికారులు వెంటనే వారిని సంప్రదించి టెలికాస్ట్‌ను నిలిపివేశారు. దానాపూర్‌లోని DRM కార్యాలయ అధికార ప్రతినిధి ప్రభాత్ కుమార్ మాట్లాడుతూ: “ ఈ సంఘటనపై విచారణ ప్రారంభించాం. వెంటనే కాంట్రాక్ట్ రద్దు ప్రక్రియను చేసేందుకు చర్యలు తీసుకుంటున్నాం. మేం కంపెనీ అధికారులపై ఎఫ్ఐఆర్ నమోదు చేసాం. ఇది సహించలేని సంఘటన. ఈ కంపెనీని బ్లాక్ లిస్ట్ చేస్తాం’’ ఆయన అన్నారు. ఇలా గతంలో కూడా జరిగినట్టు అక్కడి ప్రయాణికులు చెబుతున్నారు.