ShivaSena : ఉత్తరప్రదేశ్‌పై శివసేన గురి.. వ‌చ్చే ఎన్నిక‌ల్లో…?

sivasena

ఉత్తరప్రదేశ్‌లో శివసేన పార్టీని బ‌లోపేతం చేసే దిశగా ఆ పార్టీ అడుగులు వేస్తోంది. 2024 లోక్‌సభ ఎన్నికలకు సన్నాహాలు ప్రారంభించింది. మహారాష్ట్రలో తమ ప్రభుత్వాన్నిబీజేపీ పడగొట్టడాన్ని శివ‌సేన జీర్ణించుకోలేక‌పోతుంది. దీంతో బీజేపీకి గ‌ట్టి దెబ్బ చూపించాల‌నే ఆలోచ‌న‌తో శివ‌సేన ఉంది. యూపీలో బీజేపీకి గ‌ట్టిపోటీ ఇచ్చి బ‌లాన్ని పెంచుకోవాల‌ని శివ‌సేన ప్ర‌య‌త్నిస్తుంది. మొరాదాబాద్, మీరట్, ఘజియాబాద్, ముజఫర్ నగర్, ఫరూఖాబాద్, నోయిడా, బులంద్‌షహర్, కస్గంజ్, ఫిరోజాబాద్, అమ్రోహా, బరేలీ, పిలిభిత్, మిర్జాపూర్, అంబేద్కర్ నగర్, లఖింపూర్ ఖేరీ, లఖింపూర్ ఖేరీ సహా 30 జిల్లాల్లో జిల్లాల చీఫ్‌లను రాష్ట్ర శివసేన అధ్యక్షుడు అనిల్ సింగ్ ప్రకటించారు. కన్నౌజ్, బహ్రైచ్, బస్తీ, చందౌలీ, ప్రతాప్‌గఢ్, బారాబంకి, ఫతేపూర్, కౌశంభి, బందా, చిత్రకూట్, సోన్‌భద్ర, ప్రయాగ్‌రాజ్, ఆగ్రాలో రాష్ట్ర సేన అధినేత తాను వ్యక్తిగతంగా ప్రతి జిల్లాను సందర్శించి ఎన్నికల్లో పోటీ చేయగల బలమైన సంస్థాగత నిర్మాణాన్ని నిర్ధారిస్తానని చెప్పారు. ఈ ఏడాది చివర్లో జరగనున్న అర్బన్ మున్సిపల్ ఎన్నికల్లో కూడా శివసేన పోటీ చేస్తుందని చెప్పారు. శివసేన అగ్రనేతలు కూడా ఉత్తరప్రదేశ్‌లో పర్యటించి పార్టీ కార్యకర్తలను సమీకరించనున్నట్లు సింగ్ తెలిపారు.