ఆర్యన్ కు బెయిల్.. సినీ ప్రముఖులు ఏమన్నారంటే..?

షారుఖ్ ఖాన్ కుమారుడు ఆర్యన్ ఖాన్‌ డ్రగ్స్ కేసులో అరెస్ట్ అయిన విషయం అందరికీ తెలిసిందే. ఆర్యన్ రెగ్యులర్ గా డ్రగ్స్ తీసుకుంటున్నాడనే ఆరోపణలు రావడంతో పోలీసులు ముమ్మర విచారణ చేశారు. పోలీసుల విచారణలో డ్రగ్స్ తీసుకుంటున్నట్టు తేలింది. దీంతో ఆర్యన్ ను అరెస్ట్ చేయాల్సి వచ్చింది. అయితే ఆర్యన్ బెయిల్ పై వస్తారని చాలామంది అనుకున్నారు. కానీ బెయిల్ అంత ఈజీగా రాలేదు.

ఈ నేపథ్యంలో ఆర్యన్ ఖాన్‌కు బాంబే హైకోర్టు ఈరోజు (అక్టోబర్ 28) బెయిల్ మంజూరు చేసింది. ఈ సందర్భంగా మాధవన్, సోనూ సూద్, రామ్ గోపాల్ వర్మ, స్వర భాస్కర్ వంటి బాలీవుడ్ ప్రముఖులు సోషల్ మీడియా వేదికగా రియాక్ట్ అయ్యారు.

సోనూ సూద్ తన ట్విట్టర్ ఇలా పోస్ట్ చేశారు. ‘‘సమయం న్యాయనిర్ణేతగా ఉన్నప్పుడు, అప్పుడు సాక్షుల అవసరం ఉండదు’’

ఆర్యన్‌ఖాన్‌ బెయిల్‌పై ఆర్‌ మాధవన్‌ సంతోషం వ్యక్తం చేస్తూ, “ధన్యవాదాలు దేవుడా. ఒక తండ్రిగా నేను చాలా రిలీవ్‌గా ఉన్నాను.. అన్ని సానుకూల విషయాలు జరగాలని కోరుకుంటున్నాను.

ఆర్యన్‌కు బెయిల్ రావడానికి ముకుల్ రహ్తోగి వాదన మాత్రమే తీసుకుంటే.. అతని మునుపటి లాయర్లు చాలా అసమర్థులని, అతను అనవసరంగా చాలా రోజులు జైలులో గడపవలసి వచ్చిందా? అని రామ్ గోపాల్ వర్మ రాశారు.