ఉక్రెయిన్, రష్యా స‌రిహ‌ద్దుల్లోని గ‌గ‌న‌త‌లంపై పౌర విమానాలు న‌డ‌పొద్ద‌ని యూరోపియన్ యూనియన్ ఏవియేషన్ సేఫ్టీ ఏజెన్సీ ఆదేశించింది. విమానాల ఆపరేటర్లు అప్ర‌మ‌త్తంగా ఉండాల‌ని సూచించింది. తూర్పు యూర‌ప్, రష్యా ప్ర‌యాణాల‌ను వాయిదా వేసుకోవాల‌ని పేర్కొంది. యుద్ధం జ‌రుగుతోన్న కోర్ ఏరియాను అనుకుని పౌర విమాన ప్రయాణం ప్రస్తుతం కొనసాగుతోంది. కానీ, ఇప్పుడున్న పరిస్థితుల్లో యుద్ధం జ‌రుగుతోన్న ప్రాంత అంచుల్లోకి వెళ్ల‌డం కూడా మంచిది కాద‌ని ఏజెన్సీ తెలిపింది. ఉక్రెయిన్‌లో పరిస్థితి మ‌రింత ప్ర‌మాద‌క‌రంగా మారుతోంది. ఉక్రెయిన్, మోల్డోవా, బెలారస్ , రష్యాపై గగనతలం క్లియరెన్స్ కు ఎన్ని రోజులు ప‌డ‌తాయో కూడా అర్థం కావ‌డంలేద‌ని సూచించింది.
గగనతలాన్ని ఉక్రెయిన్ మూసివేయడంతో గురువారం నాడు ఐరోపాలోని ఎయిర్‌లైన్స్ తిక‌మ‌క‌ప‌డ్డాయి. ఇంధన ధరలు పెరిగాయి. మాస్కో సైన్యం ఉక్రెయిన్‌పై దాడి చేసిన కొన్ని గంటల తర్వాత రష్యా అంత‌ర్భాగంలో “జాగ్రత్తగా వ్యవహరించాలని” క్యారియర్లు కోరారు. ఉక్రెయిన్‌పై రష్యా దాడి చేసిన తర్వాత అమెరికన్ పైలట్లు పనిచేయలేదు. ఉక్రెయిన్, బెలారస్ మరియు రష్యాలోని పశ్చిమ భాగాన్ని కవర్ చేసే కార్యకలాపాల ఉండే యూఎస్ ఎజెన్సీ నోటీసులను జారీ చేసింది. ఉక్రెయిన్ తూర్పు ప్రాంతంలో కార్యకలాపాలను నిషేధించింది. సైనిక కార్యకలాపాలకు ఆంక్షలు వర్తించవు. లుఫ్తాన్సా, ఎయిర్ ఫ్రాన్స్ వంటి వాణిజ్య విమానయాన సంస్థలు ఈ వారం ప్రారంభంలో ఉక్రెయిన్‌కు విమానాలను నిలిపివేసిన విష‌యం విదిత‌మే. యునైటెడ్ స్టేట్స్ , యునైటెడ్ కింగ్‌డమ్ తమ పౌరులను ఉక్రెయిన్ వదిలి వెళ్ళమని ప్ర‌క‌టించాయి. ఉక్రెయిన్ సరిహద్దుకు సమీపంలో ఎగురుతున్న పౌర విమానాల కోసం యురోపియన్ యూనియన్ ఏవియేషన్ సేఫ్టీ ఏజెన్సీ హై-రిస్క్ హెచ్చరికను జారీ చేసింది.
February 25th, 2022 seen on https://t.co/jgJyQiJIMk pic.twitter.com/JAIdxCcO6t
— Flightradar24 (@flightradar24) February 25, 2022
యుద్ధం జ‌రిగిన ప్రాంతం వెలుపల ఎయిర్ ట్రాఫిక్ కదులుతున్నప్పటికీ విమాన ఆపరేటర్లు చాలా జాగ్రత్తగా ఉండాల‌ని యూరోపియన్ యూనియన్ ఏవియేషన్ సేఫ్టీ ఏజెన్సీ సూచించింది. రష్యా-ఉక్రెయిన్ సరిహద్దు నుండి 100 నాటికల్ మైళ్లలోపు గగనతలాన్ని ఉపయోగించకుండా ఉండాల‌ని నివేదించింది. మోల్డోవా, ఉక్రెయిన్‌కు నైరుతి ప్రాంతాలకు విమానాలను నిలిపివేయ‌డం జ‌రిగింది. డాన్ ఆపరేషన్‌కు రష్యా అధ్యక్షుడు వ్లాదిమిర్ పుతిన్ సంకేతాలు ఇచ్చిన తర్వాత పౌర విమానాలను బెలారస్ నిషేధించింది. పోలాండ్‌కు వెళ్లే విమానాలపై ఇప్పటి వరకు ఎలాంటి రద్దు చేయలేదు. అమెరికాలోని ఫ్లోరిడా నుంచి పోలాండ్ కు మార్చి నెలాఖరు నుంచి ఏప్రిల్ మాసంతం వరకు అతిథులు ప్రయాణిస్తుంటారు.
బ్లాక్-ఆఫ్ ఎయిర్ స్పేస్ మీదుగా ఎగురుతున్న విమానాలు దారి మళ్లించబడతాయి. విమానయానం భద్రతకు ఎల్లప్పుడూ అత్యంత ప్రాధాన్యత ఉంటుందని ఇంటర్నేషనల్ ఎయిర్ ట్రాన్స్‌పోర్ట్ అసోసియేషన్ (IATA) ఎయిర్‌లైన్ ఇండస్ట్రీ బాడీ డైరెక్టర్ జనరల్ విల్లీ వాల్ష్ చెబుతున్నారు. అందుకోసం “IATA సహాయం చేస్తోంది. ఉక్రెయిన్ మరియు రష్యాలోని కొన్ని ప్రాంతాలలో గగనతల మూసివేసిన విష‌యం విదిత‌మే. అయితే, ఆ ప్రాంతం చుట్టూ కార్యకలాపాలను ప్లాన్ చేస్తున్నప్పుడు ఎయిర్‌లైన్స్‌కు ప్రభుత్వ, ప్రభుత్వేతర సంస్థ‌ల మ‌ద్ధ‌తు ఇవ్వాల్సి ఉంది.
రష్యా ప్రయాణం ఎలా?
ఉక్రెయిన్ సరిహద్దులో ఉన్న రష్యా గగనతలం ప్రాంతం మూసివేయబడింది. రష్యాలో దేశీయ విమానాలపై కూడా కొన్ని పరిమితులు ఉన్నాయి. జనవరిలో US స్టేట్ డిపార్ట్‌మెంట్ లెవెల్ 4ను జారీ చేసింది. ఉక్రెయిన్‌తో సరిహద్దు వెంబడి కొనసాగుతున్న ఉద్రిక్తత, US పౌరులపై వేధింపులు త‌దిత‌రాల‌పై రష్యాలోని US పౌరులకు సహాయం చేయడానికి రాయబార కార్యాలయం పరిమిత సామర్థ్యం ఉంది. ఆ ” దృష్ట్యా రష్యా కోసం డోంట్ ట్రావెల్ అడ్వైజరీని జారీ చేసింది. కోవిడ్ నియంత్రణలతో పాటు ఫిబ్రవరి 24న యునైటెడ్ కింగ్‌డమ్ రష్యా-ఉక్రెయిన్ సరిహద్దులోని ప్రాంతాలకు వెళ్లవద్దని సూచించింది. రష్యా విమానాలు, ఏరోఫ్లాట్‌ను దేశంలోకి వెళ్లకుండా UK నిషేధించింది. రష్యా-ఉక్రెయిన్ సరిహద్దు వెంబడి ఉన్న ప్రాంతాలకు ప్రయాణించకుండా ఉండమని పౌరులను కోరుతూ కెనడా సలహాను జారీ చేసింది. రష్యా ప్రయాణీకులలో ఎక్కువ మంది ప్రస్తుతం వేచి చూసే విధానాన్ని తీసుకుంటున్నట్లు కనిపిస్తోంది. ఇలాంటి పరిస్థితి ఎంత కాలం ఉంటుంది? అనేది మాత్రం ఇప్ప‌ట్లో చెప్ప‌లేని పరిస్థితుల్లో అక్క‌డి ఉద్రిక్తత వాతావ‌ర‌ణం ఉంది.