దేశంలోని అతిపెద్ద రిటైలర్ రిలయన్స్ రిటైల్ చెన్నైకి చెందిన నేచురల్స్ సెలూన్ & స్పాలో 49 శాతం వాటాను కొనుగోలు చేయడం ద్వారా సెలూన్ వ్యాపారంలోకి ప్రవేశించాలని యోచిస్తోంది. దిగ్గజ సంస్థ రిలయన్స్ సెలూన్ వ్యాపారంలోకి అడుగుపెడుతోంది. ప్రస్తుతం చెన్నైకి చెందిన నేచురల్స్ సెలూన్ అండ్ స్పాలో 49 శాతం షేర్లను కొనుగోలు చేయడంపై రిలయన్స్ దృష్టి పెట్టింది. దీనికి సంబంధించి నేచురల్స్ ప్రమోటర్లతో చర్చలు జరుపుతోంది. అయితే ఇది తమ కంపెనీ చరిత్రలోనే అది పెద్ద మలుపు అని నేచురల్స్ సీఈవో సీకే కుమరవేల్ లింక్డ్ఇన్లో పోస్ట్ చేశారు.
ఆయిల్-టు-కెమికల్స్ సమ్మేళనం రిలయన్స్ ఇండస్ట్రీస్లో భాగమైన రిలయన్స్ రిటైల్, భారతదేశం అంతటా 650కి పైగా సెలూన్లను నిర్వహిస్తున్న నేచురల్స్ సెలూన్ & స్పా ప్రమోటర్లతో చర్చలు జరుపుతోంది. 2000 సంవత్సరంలో స్థాపించబడిన నేచురల్స్ సెలూన్ & స్పా.. 2025 నాటికి 3,000 సెలూన్లకు విస్తరించాలని లక్ష్యంగా పెట్టుకుంది. రిలయన్స్ రిటైల్ నేచురల్స్ ను కొనుగోలు చేసే అవకాశాలను అంచనా వేస్తోంది.
అభివృద్ధిపై రిలయన్స్ ప్రతినిధి మాట్లాడుతూ.. మా కంపెనీ వివిధ అవకాశాలను అంచనా వేస్తుందని తెలిపారు. రిలయన్స్ రిటైల్ నేచురల్స్ వాటాలో 49 శాతం ఇంకా కొనుగోలు చేయలేదు. మొత్తం 700 సెలూన్ల నుండి భారీ వృద్ధి ఉండబోతోంది. 4-5 రెట్లు పెరుగుదల ఉంటుందని కుమారవేల్ అన్నారు. రాబోయే కాలంలో నేచురల్స్ సెలూన్ & స్పాలో విపరీతమైన మార్పులను చూస్తామని పేర్కొన్నారు. నేచురల్స్ను విజయవంతంగా విస్తరించేందుకు సహకరించిన వారికి ఆయన కృతజ్ఞతలు తెలిపారు. రిలయన్స్ రిటైల్ అనేది రిలయన్స్ రిటైల్ వెంచర్స్ లిమిటెడ్ అనుబంధ సంస్థ. ఇది RIL గ్రూప్ కింద ఉన్న అన్ని రిటైల్ కంపెనీల హోల్డింగ్ కంపెనీ. RRVL మార్చి 31, 2022తో ముగిసిన సంవత్సరానికి దాదాపు రూ. 2 లక్షల కోట్ల కన్సాలిడేటెడ్ టర్నోవర్ని నివేదించింది.