Punjab CM : పంజాబ్ ముఖ్యమంత్రి భగవంత్ మాన్ గురువారం గుడ్ న్యూస్ విన్నారు. ఆయన రెండో భార్య డాక్టర్ గురుప్రీత్ కౌర్ ఆడశిశువుకు జన్మనిచ్చారు. తాను తండ్రినయ్యాననే విషయాన్ని ట్విట్టర్ వేదికగా సీఎం మాన్ అనౌన్స్ చేశారు. మొహాలీలోని ఫోర్టిస్ ఆసుపత్రిలో గురుప్రీత్ కౌర్కు ప్రసవం జరిగిందని, తల్లిబిడ్డ ఇద్దరూ క్షేమంగా ఉన్నారని ఆయన(Punjab CM) వెల్లడించారు.
ਵਾਹਿਗੁਰੂ ਜੀ ਨੇ ਬੇਟੀ ਦੀ ਦਾਤ ਬਖ਼ਸ਼ੀ ਹੈ..ਜੱਚਾ-ਬੱਚਾ ਦੋਵੇਂ ਤੰਦਰੁਸਤ ਨੇ..
— Bhagwant Mann (@BhagwantMann) March 28, 2024
We’re now on WhatsApp. Click to Join
పంజాబ్ సీఎం హోదాలో ఉండగా తండ్రి అయిన తొలి నాయకుడిగా 51 ఏళ్ల భగవంత్ మాన్ నిలిచారు. డాక్టర్ గురుప్రీత్ కౌర్ను రెండేళ్ల క్రితమే మాన్ రెండో పెళ్లి చేసుకున్నారు. పంజాబ్ సీఎం నుంచి విడాకులు తీసుకున్న మాజీ భార్యకు ఇద్దరు పిల్లలు ఉన్నారు. వారిద్దరూ కెనడాలో సెటిల్ అయ్యారు.
పంజాబ్ సీఎం భగవంత్ మాన్ కుమార్తె, మొదటి భార్య కూతురు సీరత్ కౌర్ మాన్ 2023 డిసెంబరులో ట్విట్టర్ (ఎక్స్) వేదికగా సంచలన వీడియోను పోస్ట్ చేశారు. ‘‘నేను సీఎం మాన్ కుమార్తెను. అయితే నాన్న అని పిలిపించుకునే హక్కును ఆయన కోల్పోయారు. అందుకే ఆయన్ను సీఎం మాన్ అని పిలుస్తున్నాను. మా కుటుంబాన్ని సీఎం మాన్ పట్టించుకోలేదు. మేం మౌనంగా ఉండబట్టే.. ఆయన సీఎం అయ్యారు. సీఎం రెండో భార్య ప్రస్తుతం గర్భంతో ఉన్నారట. సీఎం మాన్ మూడోసారి తండ్రి కాబోతున్నాడు’’ అని ఆ వీడియోలో సీరత్ కౌర్ మాన్ పేర్కొన్నాడు.