Bihar Bridge Collapse: బ్రిడ్జి కూలిన ఉదంతాలు బీహార్ (bihar) లో నిరంతరం వెలుగులోకి వస్తున్నాయి. ప్రభుత్వం ఎన్ని ప్రయత్నాలు చేసినా, బృందాలను ఏర్పాటు చేసినా వంతెన కూలిన సమస్య ఆగడం లేదు. వచ్చే ఏడాది రాష్ట్రంలో అసెంబ్లీ ఎన్నికలు జరగనున్నాయి. దీనికి సంబంధించి శాంతిభద్రతలు, వంతెన కూలిపోవడంపై ప్రతిపక్షాలు రాష్ట్ర ప్రభుత్వంపై నిరంతరం విరుచుకుపడుతున్నాయి.
VIDEO | Bihar: A part of the under-construction bridge of Bakhtiyarpur and Tajpur Ganga Mahasetu collapsed in Samastipur.
(Source- Third Party)
(Full video available on PTI Videos – https://t.co/n147TvqRQz) pic.twitter.com/FhAXyoGRah
— Press Trust of India (@PTI_News) September 23, 2024
సమస్తిపూర్లో మరోసారి వంతెన కూలిపోయింది. భక్తియార్పూర్-తాజ్పూర్ ఆరు లేన్ల నిర్మాణంలో ఉన్న గంగా మహాసేతు అప్రోచ్ రోడ్డుపై ఈ వంతెన పడిపోయింది. ఈ ఘటనతో ఆ ప్రాంతంలో కలకలం రేగింది. ఈ ఘటన నందనీ లగునియా రైల్వే స్టేషన్ సమీపంలో జరిగింది. ఆదివారం సాయంత్రం వంతెన రెండు స్తంభాల మధ్య స్పాన్ను ఏర్పాటు చేస్తుండగా ఒక్కసారిగా స్పాన్ కిందపడిపోయింది. అయితే ఈ ఘటనలో ఎలాంటి ప్రాణనష్టం జరిగినట్లు సమాచారం లేదు. ఈ ఘటన జరిగిన వెంటనే జేసీబీని అక్కడికి రప్పించారు. జేసీబీతో వంతెన శిథిలాలను రాత్రంతా మట్టిలో పూడ్చారు. నిర్మాణ పనులలో నిర్లక్ష్యాన్ని దాచడానికి, యంత్రాంగం హడావిడిగా వంతెన శిధిలాలను మట్టిలో పూడ్చింది.
ఈ మహాసేతు నిర్మాణం ముఖ్యమంత్రి నితీష్ కుమార్ (cm nitish) కలల ప్రాజెక్టు. భక్తియార్పూర్-తాజ్పూర్ గంగా మహాసేతు నిర్మాణ పనులు 2011 నుంచి కొనసాగుతున్నాయి. 2011లో వంతెనకు శంకుస్థాపన చేశారు. దీని నిర్మాణ పనులు 2016లోనే పూర్తి కావాల్సి ఉన్నా నిధుల కొరత కారణంగా పనులు పూర్తి కాలేదు. బ్రిడ్జి నిర్మాణ పనులకు రూ.1603 కోట్లు ఖర్చు చేయాల్సి ఉండగా రూ.1000 కోట్లు వెచ్చించినా 60 శాతం మాత్రమే వంతెన నిర్మాణం చేయగలిగారు. దీంతో వంతెన నిర్మాణ పనులు ఆలస్యమయ్యాయి. వంతెన నిర్మాణానికి ప్రభుత్వం మళ్లీ నిధులు కేటాయించింది.
Also Read: Hari Hara Veera Mallu : హరిహర వీరమల్లు రిలీజ్ డేట్ ను ప్రకటించిన మేకర్స్