Congress : పార్లమెంట్ వేదికగా జరుగుతున్న ‘ఆపరేషన్ సిందూర్’ పై చర్చ సందర్భంగా ప్రధాన ప్రతిపక్షమైన కాంగ్రెస్ పార్టీ లోపలే భిన్న స్వరాలు వినిపిస్తున్నాయి. లోక్ సభలో ఈ అంశంపై గట్టిగా వ్యవహరించినవారు ఉన్నారు, మౌనంగా తప్పించుకున్నవారు కూడా ఉన్నారు. మంగళవారం లోక్ సభలో కాంగ్రెస్ ఎంపీ గౌరవ్ గొగోయ్ కేంద్రాన్ని ఘాటుగా ప్రశ్నించారు. ఆపరేషన్ సిందూర్ లో దేశానికి జరిగిన నష్టం గురించి పూర్తిస్థాయిలో పారదర్శకత చూపించాలని ఆయన పట్టుబట్టారు. ప్రజలకు వాస్తవాలు తెలియజేయాల్సిన బాధ్యత కేంద్రానికి ఉందని వ్యాఖ్యానించారు. ఆయనతో పాటుగా మరికొందరు కాంగ్రెస్ ఎంపీలు కూడా ప్రభుత్వ తీరును తప్పుపట్టారు. అయితే, ఇదే సభలో ప్రముఖ పార్లమెంటేరియన్, కాంగ్రెస్ నేత శశిథరూర్ మాత్రం పూర్తిగా మౌనాన్ని ఆశ్రయించారు.
Read Also: Singapore Tour : గూగుల్‌తో కీలక చర్చలు.. విశాఖలో చిప్ డిజైనింగ్ కేంద్రం ప్రతిపాదనపై మంత్రి లోకేశ్
గతంలో ఆపరేషన్ సిందూర్ కు సంబంధించి కేంద్ర ప్రభుత్వాన్ని మెచ్చుకున్నందున, ఇప్పుడు దానికి విరుద్ధంగా మాట్లాడలేనని ఆయన పార్టీ అధిష్ఠానానికి స్పష్టంగా తెలిపారు. దీనితో, కాంగ్రెస్ పార్టీ పార్లమెంట్ చర్చల కోసం ఎంపిక చేసిన ఎంపీల జాబితాలో థరూర్ పేరు తప్పించబడింది. ఇది ఆయన మౌనానికి ప్రధాన కారణంగా చెబుతున్నారు విశ్లేషకులు. శశిథరూర్ బాటలోనే మరో ప్రముఖ కాంగ్రెస్ నేత, కేంద్ర మాజీ మంత్రి మనీశ్ తివారీ కూడా చర్చకు దూరంగా ఉన్నారు. ఆపరేషన్ సిందూర్ చర్చలో పాల్గొనకుండా మౌనంగా ఉన్న తివారీని మీడియా ప్రశ్నించగా, ఆయన ఎలాంటి ప్రత్యుత్తరం ఇవ్వలేదు. కానీ, తన మౌనానికి అసలు కారణం ‘ఎక్స్’వేదికగా తెలియజేశారు. ఓ దేశభక్తి గీతాన్ని పోస్ట్ చేస్తూ… భారతీయుడిగా దేశ ప్రతిష్టకు కట్టుబడి ఉన్నాను. దేశం కోసం మాత్రమే మాట్లాడతాను అనేలా సందేశమిచ్చారు. ఇది ఆపరేషన్ సిందూర్ అంశంలో కేంద్రాన్ని విమర్శించడానికి ఆయన ఆసక్తిగా లేరన్న సంకేతంగా పలువురి అభిప్రాయం.
ఈ పరిణామాల నేపథ్యంలో కాంగ్రెస్ లో ఎంపీల మధ్య ఏకతానికీ కొంత దెబ్బ తగిలినట్టే కనిపిస్తోంది. ఒకవైపు పార్టీ అధికారాన్ని ప్రశ్నించాలని డిమాండ్ చేస్తున్నవారు. మరోవైపు వ్యక్తిగత మౌలిక అంచనాల ప్రకారం వ్యవహరిస్తున్న నేతలు. ఫలితంగా ఆపరేషన్ సిందూర్ చర్చలో కాంగ్రెస్ నుండి ఓ స్పష్టమైన, ఏకగీత రాగం వినిపించకపోవడంపై రాజకీయ విశ్లేషకులు వ్యాఖ్యానిస్తున్నారు. ఈ విషయంలో థరూర్, తివారీ లాంటి కీలక నాయకులు మౌనంగా ఉండటం కాంగ్రెస్ లో అంతర్గత వ్యూహాలు ఏకమై లేవన్న సంకేతంగా కూడా చెబుతున్నారు. కీలక జాతీయ భద్రతా అంశాలపై పార్టీలోనూ స్వంత అభిప్రాయాలకు గౌరవమిస్తున్నట్టు స్పష్టమవుతోంది. కానీ, మౌనం రాజకీయంగా ఎలా అర్థం చేసుకోవాలన్నది మాత్రం ప్రజలకు తెరిచిన ప్రశ్నగానే మిగిలింది.
Read Also: Unclaimed Deposits : భారత బ్యాంకుల్లో రూ.67,000 కోట్ల అన్-క్లెయిమ్డ్ డిపాజిట్లు