Uddhav Thackeray: అయోధ్యలో జనవరి 22న జరగనున్న రామమందిర ప్రాణ్ ప్రతిష్ఠా కార్యక్రమానికి శివసేన అధినేత, మాజీ ముఖ్యమంత్రి ఉద్ధవ్ ఠాక్రేకు ఆహ్వానం అందలేదు. ఇలాంటి పరిస్థితుల్లో ఆయన జనవరి 22న ప్రత్యేక ప్రణాళిక సిద్ధం చేశారు. జనవరి 22న ఉద్ధవ్ ఠాక్రే నాసిక్లోని కాలరామ్ ఆలయాన్ని సందర్శించి గోదావరి నది ఒడ్డున మహా ఆరతి చేపట్టనున్నారు.
ఉద్ధవ్ ఠాక్రే శనివారం తన పార్టీ నాయకులు నాసిక్లోని కాలారం ఆలయాన్ని సందర్శించి గోదావరి నది ఒడ్డున ‘మహా ఆరతి’ చేస్తారని చెప్పారు.తన తల్లి దివంగత మీనా ఠాక్రే జయంతి సందర్భంగా ఆమెకు నివాళులు అర్పించిన అనంతరం విలేకరులతో మాట్లాడిన ఉద్ధవ్ థాకరే తనకు ఇష్టం వచ్చినప్పుడు అయోధ్యకు వస్తానని చెప్పారు.
అయోధ్యలో రామమందిరాన్ని ప్రతిష్టించడం గర్వించదగ్గ, ఆత్మగౌరవానికి సంబంధించిన అంశం. ఆ రోజు జనవరి 22న మేము సాయంత్రం 6.30 గంటలకు కాలరామ్ ఆలయానికి వెళ్తాము. అనంతరం 7:30 గంటలకు గోదావరి నది ఒడ్డున ‘మహా ఆరతి’ నిర్వహిస్తారు. శివసేన వ్యవస్థాపకుడు దివంగత బాల్ థాకరే జయంతి సందర్భంగా జనవరి 23న పార్టీ నాసిక్లో ర్యాలీ నిర్వహించనున్నట్లు ఉద్ధవ్ ఠాక్రే తెలిపారు. రామమందిర ప్రాణ్ ప్రతిష్ఠా కార్యక్రమానికి నాకు ఇంకా ఎటువంటి ఆహ్వానం అందలేదని, నేను అయోధ్యకు తోచినప్పుడు వెళ్తాను అని చెప్పారు.
నాసిక్లోని పంచవటి ప్రాంతంలో కలరామ్ ఆలయం రాముడికి అంకితం చేయబడింది. నల్లరాతితో చేసిన శ్రీరాముని విగ్రహం కారణంగా ఈ ఆలయానికి ఆ పేరు వచ్చింది. వనవాస సమయంలో శ్రీరాముడు తన భార్య సీత మరియు సోదరుడు లక్ష్మణుడితో పంచవటిలో ఉండేవాడని నమ్ముతారు.జనవరి 22న రామమందిర ప్రాణ్ ప్రతిష్ఠా కార్యక్రమాన్ని నిర్వహించడం గమనార్హం. ఈ కార్యక్రమానికి ప్రధాని నరేంద్ర మోదీ సహా ఆరు వేల మంది హాజరుకానున్నారు, అయితే ఉద్ధవ్ ఠాక్రేకు ఈ కార్యక్రమానికి ఆహ్వానం అందలేదు.
Also Read: Arvind Kejriwal: అరెస్ట్ వార్తల నేపథ్యంలో కేజ్రీవాల్ గుజరాత్లో పర్యటన