American Citizenship : ఒక్క ఏడాదిలోనే 66వేల మంది ఇండియన్స్‌కు అమెరికా సిటిజెన్‌షిప్

American Citizenship

American Citizenship : 2022 సంవత్సరంలో ఎంతమంది భారతీయులకు అమెరికా పౌరసత్వం వచ్చిందో తెలుసా ? 65,960 మంది ఇండియన్స్‌కు అమెరికాలో సహజీకృత సిటిజన్‌షిప్‌ (Naturalisation citizenship) లభించింది. ఆ సంవత్సరంలో మెక్సికన్ల  తర్వాత ఎక్కువ సంఖ్యలో అమెరికా పౌరసత్వాన్ని సొంతం చేసుకున్న వారిలో ఇండియన్సే ఉన్నారు.  ‘కాంగ్రెషనల్‌ రీసెర్చ్‌ సర్వీస్‌ (CRS)’ నివేదికలో ఈవివరాలు వెల్లడయ్యాయి.

We’re now on WhatsApp. Click to Join

• ‘కాంగ్రెషనల్‌ రీసెర్చ్‌ సర్వీస్‌ (CRS)’ నివేదిక ప్రకారం.. 2022 నాటికి అమెరికాలో 4.6 కోట్ల మంది విదేశీయులు ఉన్నారు.
• అమెరికాలో మొత్తం 33.3 కోట్ల జనాభా ఉండగా.. విదేశీయుల సంఖ్య 14 శాతానికి (4.6 కోట్ల మంది) సమానం.
• అమెరికాలో ఉంటున్న విదేశీయుల్లో 2.45 కోట్ల మంది తమని తాము సహజీకృత పౌరులుగా (American Citizenship) పేర్కొన్నారు.
• 2022 సంవత్సరంలో మొత్తం 9.69 లక్షల మంది విదేశీయులు అమెరికా పౌరులుగా మారారు.
• 2022లో అత్యధికంగా 1.28 లక్షల మంది మెక్సికన్లు అమెరికా పౌరులయ్యారు.
• రెండో ప్లేసులో  ఇండియా (65,960),  వరుసగా తర్వాతి స్థానాల్లో  ఫిలిప్పీన్స్‌ (53,413), క్యూబా (46,913), డొమినికన్‌ రిపబ్లిక్‌ (34,525), వియత్నాం (33,246), చైనా (27,038) నిలిచాయి.
• భారత్‌లో పుట్టి అమెరికాలో ఉంటున్నవారిలో దాదాపు 42 శాతం మందికి అక్కడి పౌరసత్వం పొందే అర్హత లేదని సీఆర్‌ఎస్‌ నివేదిక స్పష్టం చేసింది.

Also Read : Chinta Chiguru Vs Mutton : రేటులో రేసు.. మటన్‌తో చింతచిగురు పోటీ

• 2023 నాటికి గ్రీన్ కార్డు లేదా లీగల్‌ పర్మినెంట్‌ రెసిడెన్సీ (LPR) ఉన్న 2,90,000 మంది భారతీయులు సహజీకృత పౌరసత్వం పొందే అవకాశం ఉందని  నివేదిక తెలపడం విశేషం.
• సహజీకృత పౌరసత్వం కోసం 2023 సంవత్సరం చివరికల్లా వచ్చే దరఖాస్తుల సంఖ్య  4,08,000గా ఉండొచ్చని సీఆర్‌ఎస్‌ నివేదిక పేర్కొంది.
• 2023లో కొత్తగా 8,23,702 మంది గ్రీన్ కార్డు ఉన్నవారు నేచురలైజేషన్‌ కింద పౌరసత్వం కోసం దరఖాస్తు చేసుకున్నారు. దాదాపు 90 లక్షల మందికి ఈ అర్హత ఉన్నప్పటికీ చాలా తక్కువ సంఖ్యలో అప్లికేషన్లు సమర్పించారు.

• కనీసం ఐదేళ్ల పాటు గ్రీన్ కార్డు కలిగిన ఉన్నవారే  నేచురలైజేషన్‌ కింద అమెరికా పౌరసత్వానికి అర్హులు.
• వియత్నాం, ఫిలిప్పీన్స్‌, రష్యా, జమైకా, పాకిస్తాన్ వారికి అమెరికా పౌరసత్వం ఇచ్చేందుకు ఎక్కువ ప్రయారిటీ  ఇస్తారు.

Also Read :BRS MLC Kavitha : కవితకు బెయిల్ వస్తుందా ? ఇవాళే కోర్టులో కీలక విచారణ