MP Navneet Rana:11000మందితో ఎంపీ నవనీత్ రాణా హనుమాన్ చాలీసా పారాయణం

గతేడాది హనుమాన్ జయంతి సందర్భంగా ఎంపీ నవనీత్ (MP Navneet Rana) రాణా దంపతులు హనుమాన్ చాలీసా పారాయణం చేసినందుకు ఉద్దవ్ ఠాక్రే ప్రభుత్వం తీసుకున్న చర్యల గురించి తెలిసిందే. ఈ ఘటన అప్పట్లో మహారాష్ట్ర రాజకీయాల్లో ప్రకంపనలు స్రుష్టించింది. ఈ ఏడాది కూడా మహారాష్ట్రలోని అమరావతిలో ఎంపీ నవనీత్ రాణా ఆమె భర్త ఎమ్మెల్యే రవి రాణా ఈరోజు 11000 మందితో హనుమాన్ చాలీసా పారాయణం చేపట్టారు. ఉదయం 9 గంటలకు ప్రారంభమైన పఠనం మధ్యాహ్నం 12 గంటల వరకు కొనసాగుతుంది.

అమరావతి జిల్లాలోని 5000 హనుమాన్ దేవాలయాల మండలాలు పఠన కార్యక్రమంలో పాల్గొనేందుకు నమోదు చేసుకున్నాయి. ప్రతి సర్కిల్ నుండి గరిష్టంగా 20 మంది ఈ కార్యక్రమంలో పాల్గొనవచ్చు. గతేడాది హనుమాన్ జయంతి సందర్భంగా రానా దంపతులు వెలుగులోకి వచ్చారు. అప్పుడు మహారాష్ట్రలో ఉద్ధవ్ ఠాక్రే ప్రభుత్వం ఉంది. రానా దంపతులు ముంబై చేరుకుని మాతోశ్రీ వెలుపల హనుమాన్ చాలీసా చదవమని ప్రకటించారు, ఆ తర్వాత రాష్ట్ర రాజకీయాల్లో చర్చనీయాంశంగా మారింది.