Chandra Grahan: 2026 మార్చి 3వ తేదీన సంభవించబోయే చంద్రగ్రహణం భారతదేశంలో సుమారు 25 నిమిషాల పాటు కనిపించనుంది. ఆ రోజు ఆకాశంలో చంద్రుడు ఎర్రటి రంగులో దర్శనమివ్వబోతున్నాడు. దీనినే శాస్త్రవేత్తలు ‘బ్లడ్ మూన్’ (Blood Moon) అని పిలుస్తారు. ఖగోళ ప్రేమికులు ఈ ఏడాది తొలి సంపూర్ణ చంద్రగ్రహణం కోసం ఎంతో ఆసక్తిగా ఎదురుచూస్తున్నారు. ఈ అరుదైన దృశ్యం మళ్ళీ 2029 వరకు కనిపించదు. అందుకే దీనికి ఎంతో ప్రాధాన్యత ఉంది.
భారతదేశంలోని వివిధ నగరాల్లో చంద్రోదయం అయ్యే సమయాన్ని బట్టి గ్రహణం కనిపించే సమయం మారుతూ ఉంటుంది. మీ నగరంలో గ్రహణం ఎప్పుడు కనిపిస్తుందో తెలుసుకోవడానికి ఈ క్రింది వివరాలను చూడండి.
చంద్రగ్రహణం మొత్తం సమయం: మధ్యాహ్నం 3:20 నుండి సాయంత్రం 6:47 వరకు.
Also Read: 27 ఏళ్ల తర్వాత రేపే తొలిసారి .. కేంద్ర ఎన్నికల సంఘం ఆధ్వర్యంలో జాతీయ సదస్సు
మార్చి 3న భారత్లో ‘బ్లడ్ మూన్’ ఎందుకు కనిపిస్తుంది?
2026లో రాబోతున్న ఈ తొలి సంపూర్ణ చంద్రగ్రహణం సమయంలో ఆకాశంలో చంద్రుడు రక్త వర్ణంలో (ఎరుపు రంగులో) కనిపిస్తాడు. భూమి సూర్యునికి, చంద్రునికి మధ్యలోకి వచ్చినప్పుడు భూమి నీడ చంద్రుడిని పూర్తిగా కప్పివేస్తుంది. అయితే సూర్యుని నుండి వచ్చే కాంతి భూమి వాతావరణం గుండా ప్రయాణించేటప్పుడు వక్రీభవనం చెందుతుంది.
ఈ ప్రక్రియలో భూమి వాతావరణం నీలి రంగు కాంతిని ఎక్కువగా వెదజల్లుతుంది. కానీ ఎరుపు, నారింజ రంగు తరంగాలు మాత్రం వక్రీభవనం చెంది చంద్రుడి ఉపరితలాన్ని చేరుతాయి. దీనివల్ల చంద్రుడు మనకు ఎరుపు రంగులో కనిపిస్తాడు. అందుకే దీనిని ‘బ్లడ్ మూన్’ అని పిలుస్తారు.
మీ నగరంలో చంద్రగ్రహణం ఎప్పుడు కనిపిస్తుంది?
భారతదేశంలో మార్చి 3న సంభవించే ఈ గ్రహణం ప్రారంభ దశలు మనకు కనిపించవు. ఎందుకంటే ఇది మనకు ‘గ్రస్తోదయ’ గ్రహణంగా కనిపిస్తుంది. అంటే చంద్రుడు ఉదయించే సమయంలోనే గ్రహణం పట్టి ఉండటాన్ని మనం చూడవచ్చు.