ఒకరు కాదు.. ఇద్దరు కాదు.. ఏకంగా 60 మంది క్యాంపస్ విద్యార్థినులు బాత్ రూం వీడియోలు లీక్ అయినట్టు ఆరోపణలువచ్చాయి. చండీగఢ్ యూనివర్శిటీకి చెందిన విద్యార్థులు హాస్టల్లో దాదాపు 60 మంది అమ్మాయిలు స్నానాలు చేస్తున్న వీడియోలను తోటి విద్యార్థిని లీక్ చేశారనే విషయం బయటకు రావడంతో ‘మాకు న్యాయం కావాలి’ అంటూ పెద్ద సంఖ్యలో రోడ్లపైకి వచ్చి నిరసనలు వ్యక్తం చేశారు క్యాంపస్ అమ్మాయిలు. ప్రస్తుతం ఈ ఘటన చండీగఢ్ లో తీవ్ర చర్చనీయాంశమవుతోంది.
“క్యాంపస్లో ఏమీ జరగకపోతే” విశ్వవిద్యాలయం సెప్టెంబర్ 19, 20 సెప్టెంబర్లను “నాన్ టీచింగ్ డేస్”గా ఎందుకు ప్రకటించింది అని ప్రశ్నిస్తూ నిరసన తెలిపిన విద్యార్థునులు విశ్వవిద్యాలయం, పోలీసు అధికారులపై ఆగ్రహం వ్యక్తం చేశారు. ఓ అమ్మాయి తన వీడియో తీసి, ప్రియుడికి పంపిందని, కేవలం ఆ అమ్మాయి వీడియో మాత్రమే లీక్ అయ్యిందని యూనివర్సిటీ అధికారులు చెబుతున్నారు. కానీ ఘటనపై 60 మంది విద్యార్థినుల వీడియోలు ఇంటర్ నెట్ లో ప్రత్యక్షమైనట్టు ఆరోపిస్తూ ధర్నాకు దిగడం చండీగఢ్ లో సంచలనంగా మారింది.
పిల్లల న్యూడ్ వీడియోల ఘటన కలకలం రేపడంతో ఆందోళన చెందిన తల్లిదండ్రులు యూనివర్సిటీకి చేరుకొని విద్యార్థునులను ఇంటికి తీసుకెళ్లారు. ఈ సంఘటన చాలా మంది తల్లిదండ్రులు క్యాంపస్కు చేరుకుని తమ పిల్లలను ఇంటికి తీసుకెళ్లడానికి దారితీసింది. కాగా చండీగఢ్ యూనివర్శిటీ వీడియో లీక్ ఘటనను ఖండించిన ఆమ్ ఆద్మీ పార్టీ (ఆప్) చీఫ్ అరవింద్ కేజ్రీవాల్ దోషులను కఠినంగా శిక్షిస్తామని విద్యార్థునులకు హామీ ఇచ్చారు.
