UP Accident: ఉత్తరప్రదేశ్ లో ఘోర రోడ్డుప్రమాదం.. పారిశ్రామికవేత్త మృతి

Resizeimagesize (1280 X 720) (1) 11zon

ఉత్తరప్రదేశ్ (Uttar Pradesh)లో ఘోర రోడ్డుప్రమాదం (Road Accident) జరిగింది. లక్నో ఎక్స్ ప్రెస్ వేపై ఫార్చ్యూనర్ కారు వేగంగా వచ్చి కంటైనర్ ను ఢీకొట్టింది. ఈ ప్రమాదంలో ఇద్దరు వ్యక్తులు అక్కడికక్కడే మృతి చెందారు. మరో ఇద్దరు తీవ్రంగా గాయపడ్డారు. పోలీసులు క్షతగాత్రులను చికిత్స నిమిత్తం ఆసుపత్రికి తరలించారు. కారు లక్నో నుండి ఆగ్రా వైపు వెళ్తుండగా ఫతేహాబాద్ సమీపంలోని ఎక్స్ ప్రెస్ వే టోల్ ప్లాజా వద్ద ఈ ప్రమాదం జరిగింది.

లక్నో-ఆగ్రా ఎక్స్‌ప్రెస్‌వేలోని ఫతేహాబాద్ ప్రాంతంలో శనివారం టోల్ కంటే 200 మీటర్ల దూరంలో ఫార్చ్యూనర్ కారు, కంటైనర్ ఎదురెదురుగా ఢీకొన్నాయి. ఈ ప్రమాదంలో కారులో ప్రయాణిస్తున్న ఘజియాబాద్‌లోని సింఘాల్ స్టీల్స్ యజమాని నవీన్ సింఘాల్ (60), అతని స్నేహితుడు, ఆస్తి వ్యాపారి అనిల్ గోయల్ (65) మృతి చెందగా, అతని అల్లుడు, మరొకరు గాయపడ్డారు. ప్రమాదంలో సింఘాల్ స్టీల్స్ యజమాని మృతి చెందిన సమాచారం నగరంలోని పారిశ్రామికవేత్తలు, వ్యాపారవేత్తల్లో విషాదాన్ని నింపింది. ఘజియాబాద్ ఇండస్ట్రీస్ ఫెడరేషన్ ప్రెసిడెంట్ అరుణ్ శర్మ మాట్లాడుతూ.. నవీన్ సింఘాల్ విజయవంతమైన, పెద్ద పారిశ్రామికవేత్త మాత్రమే కాదు. సామాజిక సేవలో కూడా అతను ఎల్లప్పుడూ ముందుంటాడని అన్నారు.

Also Read: Illegally Entered India: 16 మంది చొరబాటుదారులు అరెస్ట్.. 12 మంది విదేశీ పౌరులు

ఎక్స్‌ప్రెస్‌వే టోల్‌కు 21వ కిలోమీటరు వద్ద శనివారం ఉదయం 7:45 గంటలకు ప్రమాదం జరిగింది. హాపూర్‌లోని పిల్ఖువా రోడ్‌లోని పటేల్ నగర్ నివాసి అనిల్ గోయల్ బాగేశ్వర్ ధామ్‌కు వెళ్తున్నాడు. అక్కడ పెళ్లి కార్యక్రమంలో పాల్గొనాల్సి వచ్చింది. శనివారం ఉదయం 5:30 గంటల ప్రాంతంలో అల్లుడు అన్షుల్ మిట్టల్‌తో కలిసి ఫార్చూనర్ కారులో ఇంటి నుంచి బయలుదేరారు. ఘజియాబాద్‌కు చెందిన అనిల్‌తో పాటు స్నేహితుడు నవీన్ సింఘాల్ కూడా కారు ఎక్కాడు. ఘజియాబాద్‌కు చెందిన శ్రీనివాస్‌ కారు నడుపుతున్నాడు. ఫతేహాబాద్ టోల్ దాటిన తర్వాత వ్యాపారి కారు అదుపు తప్పి లక్నో రోడ్డు వైపు వచ్చిందని ఫతేహాబాద్ పోలీసులు తెలిపారు. అప్పుడు ఎదురుగా వచ్చిన కంటైనర్‌ను కారు ఢీకొన్నాయి. ఢీకొనడంతో కారు ముందు భాగం ఎగిరిపోయింది. కంటైనర్ కూడా అదుపుతప్పి బోల్తా పడింది. శ్రీనివాస్‌తో పాటు ముందు సీటులో అన్షుల్ కూర్చోగా, వెనుక సీటులో నవీన్, అనిల్ ఉన్నారు.

నలుగురిని ఎస్‌ఎన్ మెడికల్ కాలేజీ ఎమర్జెన్సీకి తరలించారు. ఎమర్జెన్సీలో అనిల్ గోయల్ చనిపోయినట్లు ప్రకటించగా, నవీన్‌తో సహా ఇతరులకు చికిత్స ప్రారంభించారు. సమాచారం అందుకున్న ఆగ్రాలో నివసిస్తున్న వ్యాపారి బంధువులు వచ్చారు. నవీన్ సింఘాల్‌ను డెహ్లీ గేట్‌లోని ఆసుపత్రికి తీసుకెళ్లారు. అక్కడ అతను చనిపోయినట్లు ప్రకటించారు. అన్షుల్‌ సికంద్రా ప్రైవేట్‌ ఆస్పత్రిలో శ్రీనివాస్‌ ఎమర్జెన్సీలో చికిత్స పొందుతున్నారు.