నాగ్‌పూర్ విమానాశ్రయంలో ఇండిగో విమానం అత్య‌వ‌స‌రంగా ల్యాండ్ అయిన‌ట్లు ఎయిర్‌లైన్స్ తెలిపింది. విమానంలో సాంకేతిక లోపం కార‌ణంగా టేకాఫ్ అయిన తర్వాత వెనుదిరిగి నాగ్‌పూర్ విమానాశ్రయంలో ల్యాండ్ అయింది. విమానంలోని ప్రయాణికులందరూ క్షేమంగా ఉన్నారని ఎయిర్‌లైన్స్ తెలిపింది. ఈ ఘటన తర్వాత, విమానం నుంచి పొగలు రావడంతో ఇండిగో విమానాన్ని నాగ్‌పూర్ విమానాశ్రయంలో అత్యవసర ల్యాండింగ్ చేయడంపై డైరెక్టరేట్ జనరల్ ఆఫ్ సివిల్ ఏవియేషన్ విచారణకు ఆదేశించిందని సీనియర్ డిజిసిఎ అధికారి తెలిపారు. ఇటీవల భారత వైమానిక దళం (IAF) దేశవ్యాప్తంగా ఉన్న రహదారులపై 28 అత్యవసర ల్యాండింగ్ సౌకర్యాలను (ELF) గుర్తించింది.
అసోంలో ఐదు, పశ్చిమ బెంగాల్‌లో నాలుగు, ఆంధ్రప్రదేశ్‌లో మూడు, గుజరాత్‌లో మూడు, రాజస్థాన్‌లో మూడు, బీహార్‌లో రెండు, హర్యానాలో రెండు, జమ్మూ కాశ్మీర్‌లో రెండు , మిళనాడులో రెండు, పంజాబ్ మరియు ఉత్తరప్రదేశ్‌లో ఒక్కొక్క ఈఎల్‌ఎఫ్‌లు ఉన్నాయని రోడ్డు రవాణా, రహదారుల మంత్రిత్వ శాఖ ఒక ప్రకటనలో తెలిపింది. ఈ ELFలు మిలిటరీ ఎయిర్‌క్రాఫ్ట్ ద్వారా కార్యకలాపాలు నిర్వహించగల సామర్థ్యాన్ని కలిగి ఉంటాయి. అవసరమైతే అదే తరగతి పౌర విమానాల కోసం కూడా ఉపయోగించవచ్చు. ఈ సమాచారాన్ని కేంద్ర రోడ్డు రవాణా, రహదారుల శాఖ మంత్రి నితిన్ గడ్కరీ రాజ్యసభలో లిఖితపూర్వక సమాధానంలో అందించినట్లు మంత్రిత్వ శాఖ తెలిపింది. జాతీయ రహదారుల ప్రాజెక్టుల అమలు కోసం ఒక పాలసీగా అతి తక్కువ సంఖ్యలో చెట్లను నరికివేస్తున్నారని గడ్కరీ సభకు తెలియజేశారు.