ERASR : దేశ రక్షణ రంగంలో భారత్ మరో కీలక మైలురాయిని అధిగమించింది. శత్రు సబ్‌మేరిన్లను లక్ష్యంగా చేసుకునే అధునాతన యాంటీ-సబ్‌మేరిన్ రాకెట్ వ్యవస్థను దేశీయంగానే అభివృద్ధి చేసి విజయవంతంగా పరీక్షించడం ద్వారా భారత నౌకాదళం తన పోరాట సామర్థ్యాన్ని మరింతగా బలోపేతం చేసుకుంది. ‘ఎక్స్‌టెండెడ్ రేంజ్ యాంటీ-సబ్‌మేరిన్ రాకెట్’ (ERASR) పేరిట అభివృద్ధి చేసిన ఈ శక్తివంతమైన ఆయుధాన్ని INS కవరట్టి యుద్ధనౌక నుంచి జూన్ 23 నుంచి జూలై 7 మధ్య పలు దశల్లో పరీక్షించారు.
ఈ టెస్టుల్లో మొత్తం 17 రాకెట్లు ప్రయోగించగా, అవన్నీ నిర్దిష్ట లక్ష్యాలను సమర్థంగా ఛేదించాయి. ఈ రాకెట్ల పరిధి, ఖచ్చితత్వం, వార్‌హెడ్ ఫంక్షనింగ్, ఎలక్ట్రానిక్ టైం ఫ్యూజ్ పనితీరు అన్నీ DRDO నిర్దేశించిన ప్రమాణాలకు అనుగుణంగా ఉన్నట్లు నౌకాదళ అధికారులు తెలిపారు. ఈ పరీక్షలు దేశ స్వయం సమర్థతకు నిదర్శనంగా నిలిచినట్లు ఆర్మ్డ్ ఫోర్సెస్ వర్గాలు వెల్లడించాయి.
ఈ విజయం గురించి రక్షణ మంత్రి రాజనాథ్ సింగ్ ట్వీట్ చేస్తూ, DRDO, భారత నౌకాదళం, వాటి భాగస్వామ్య పరిశ్రమలకు అభినందనలు తెలిపారు. “ఈ విజయంతో భారత నౌకాదళం అండర్ వాటర్ వార్‌ఫేర్ రంగంలో మరింత శక్తివంతమైన స్థాయికి చేరుకుంది. స్వదేశీ పరిజ్ఞానంతో రూపుదిద్దుకున్న ఈ వ్యూహాత్మక ఆయుధం, రక్షణ రంగంలో ‘ఆత్మనిర్భర్ భారత్’కు నిదర్శనంగా నిలుస్తుంది” అని ఆయన పేర్కొన్నారు.
ERASR రాకెట్ ప్రత్యేకతల్లో ప్రధానమైనది – దీని ‘ట్విన్ రాకెట్ మోటార్’ కాన్ఫిగరేషన్. ఇది శత్రు సబ్‌మేరిన్‌లు దాగి ఉన్న సముద్రపు లోతుల్లోనూ అత్యంత ఖచ్చితంగా పని చేయగలదని DRDO వెల్లడించింది. దీని సహాయంతో నౌకాదళానికి శత్రు నీటిముంపు బెదిరింపులను ముందుగానే గుర్తించి తటస్థం చేసే సామర్థ్యం లభించనుంది.
ఈ పరిణామం ద్వారా భారత్ తన నావిక దళ సామర్థ్యంలో కీలక ముందడుగు వేసిందని రక్షణ పరిశోధకులు అభిప్రాయపడుతున్నారు. స్వదేశీ సాంకేతికతపై నమ్మకంతో అభివృద్ధి చేసిన ఈ యాంటీ-సబ్‌మేరిన్ రాకెట్ వ్యవస్థ భారత్‌కు భద్రతా పరంగా దృఢమైన ఆధారం ఇవ్వనుంది.
Amitabh Bachchan : కౌన్ బనేగా కరోడ్‌పతి షోకు గుడ్‌బై.. పుకార్ల పై స్పందించిన అమితాబ్ బచ్చన్‌