India Will Beat China: చైనాకు తగిన సమాధానం ఇవ్వనున్న భారత్.. సరిహద్దుల్లో కొత్త రోడ్లు, వంతెనలు, సొరంగాలు..!

India Will Beat China: సరిహద్దులను బలోపేతం చేసే పనిలో భారత్ (India) బిజీగా ఉంది. ఈ క్రమంలో చైనా (China) సరిహద్దుల్లో కొత్త రోడ్లు, వంతెనలు, సొరంగాలు, ఎయిర్‌ఫీల్డ్‌లు, హెలిప్యాడ్‌లు సిద్ధమయ్యాయి. ఈ విషయం తెలిసిన బోర్డర్ రోడ్ ఆర్గనైజేషన్ (బీఆర్‌ఓ) అధికారులు ఈ సమాచారం ఇచ్చారు. ఈ ప్రాజెక్టుల ద్వారా తూర్పు లడఖ్‌లో చైనా (India Will Beat China)కు తగిన సమాధానం ఇవ్వనున్నట్లు అధికారులు పేర్కొన్నారు. కొత్త రోడ్లు, వంతెనలు, సొరంగాలు తదితర నిర్మాణాలకు వేల కోట్ల రూపాయలు వెచ్చించారు.

హిందుస్థాన్ టైమ్స్ నివేదిక ప్రకారం.. సరిహద్దులు, ఇతర విషయాలపై సైన్యం సంసిద్ధత అక్కడ సృష్టించబడిన మౌలిక సదుపాయాలపై ఆధారపడి ఉంటుందని అధికారులు తెలిపారు. అందుకే భారతదేశం సైన్యం ఎల్లప్పుడూ ప్రయోజనకరమైన స్థితిలో ఉండేలా అన్ని ప్రయత్నాలు చేస్తోంది. ప్రస్తుతం సరిహద్దుల్లో మౌలిక సదుపాయాల పరంగా భారత్ కంటే చైనా చాలా ముందుందని, అయితే మన దేశం ఈ అంతరాన్ని శరవేగంగా తగ్గిస్తున్నదని ఓ అధికారి తెలిపారు.

90 మౌలిక సదుపాయాల ప్రాజెక్టులు

రక్షణ మంత్రి రాజ్‌నాథ్ సింగ్ మంగళవారం చైనాతో భారత సరిహద్దుల సమీపంలో పలు ప్రాజెక్టులను ప్రారంభించనున్నారు. ఈ ప్రాజెక్టుల ద్వారా సరిహద్దు ప్రాంతాల్లో కనెక్టివిటీ పెరుగుతుంది. ఇది సైన్యం కదలిక, మోహరించిన సైనికులకు లాజిస్టిక్స్, సరిహద్దు రాష్ట్రాల్లో పౌరుల కదలికలపై ప్రత్యక్ష ప్రభావం చూపుతుంది. సరిహద్దు ప్రాంతాలలో మౌలిక సదుపాయాలను సృష్టించేందుకు BROకి తగిన నిధులు అందేలా రక్షణ మంత్రి హామీ ఇచ్చారు.

Also Read: 4-Day Work: ఆ దేశాలలో వారానికి 4 రోజులే పని.. మిగతా మూడు రోజులు రెస్ట్..!

లడఖ్, అరుణాచల్ ప్రదేశ్, సిక్కిం నుండి ఉత్తరాఖండ్, హిమాచల్ ప్రదేశ్ వరకు మొత్తం 90 మౌలిక సదుపాయాల ప్రాజెక్టులు పూర్తయ్యాయి. ఈ ప్రాజెక్టుల వ్యయం రూ.2941 కోట్లు. రక్షణ మంత్రి రాజ్‌నాథ్ సింగ్ ఈ ప్రాజెక్టులను దేశానికి అంకితం చేయనున్నారు. జమ్మూ నుంచే రాజ్‌నాథ్‌ ప్రాజెక్టులను ప్రారంభించనున్నారు. జమ్మూలో బిష్నా-కౌల్పూర్-ఫుల్పూర్ రహదారిపై 422 మీటర్ల పొడవైన BRO దేవక్ వంతెనను ఆయన ప్రారంభించబోతున్నారు. ఈ వంతెన తక్కువ సమయంలో సరిహద్దుకు ఆయుధాలు, సైనికులను రవాణా చేయడానికి సైన్యానికి సహాయపడుతుంది.

మౌలిక సదుపాయాల ప్రాజెక్టులో ఏమి ఉన్నాయి..?

రక్షణ మంత్రి దేశానికి అందజేయనున్న ప్రాజెక్టుల్లో 63 వంతెనలు, 22 రోడ్లు, ఒక సొరంగం, రెండు ఎయిర్‌ఫీల్డ్‌లు, రెండు హెలిప్యాడ్‌లు ఉన్నాయి. BRO గత మూడేళ్లలో దేశంలోని ఫార్వర్డ్ లొకేషన్‌లలో 300 ప్రధాన ప్రాజెక్టులను పూర్తి చేసింది. వాటిలో 90 ఈరోజు ప్రారంభించబడుతున్నాయి. ఈ ప్రాజెక్టులను సిద్ధం చేసేందుకు ప్రభుత్వం రూ.8000 కోట్లు వెచ్చించింది. ప్రతి ప్రాజెక్ట్‌తో భారత్‌, చైనాల మధ్య మౌలిక సదుపాయాల అంతరం తగ్గుతోంది.

సరిహద్దులో ప్రతి కొత్త ప్రాజెక్ట్‌తో చైనాతో మౌలిక సదుపాయాల గ్యాప్‌ను తగ్గిస్తున్నామని ఓ అధికారి తెలిపారు. చైనా సైన్యంతో సరిహద్దు ప్రతిష్టంభన ప్రారంభమైనప్పటి నుండి మేము అద్భుతమైన పురోగతిని సాధించాము. రాబోయే సంవత్సరాల్లో మరిన్ని ముఖ్యమైన ప్రాజెక్టులు పూర్తి కానున్నాయని తెలిపారు.