భారతదేశ జనాభా రోజురోజుకూ పెరుగుతుందా? ఇంకొన్ని రోజుల్లో శత్రు దేశమైనా చైనాను అధిగమించబోతుందా? అంటే అవుననే అంటున్నాయి పలు అంతర్జాతీయ సర్వేలు. గ్లోబల్ బాడీ ఐక్యరాజ్యసమితి పరిశీలనల ప్రకారం, వచ్చే ఏడాది జనాభా పరంగా భారతదేశం డ్రాగన్ దేశం చైనాను అధిగమిస్తుంది. ప్రస్తుతం భారతదేశ జనాభా 141.2 కోట్లు కాగా, చైనా జనాభా 142.6 కోట్లు. 2023 నాటికి చైనాను భారత్ అధిగమిస్తుంది. గత కొన్నేళ్లుగా జనాభా విషయంలో భారత్, చైనాల మధ్య పోటీ నెలకొంది. ఇప్పుడు భారతదేశం చైనా జనాభాకు చాలా దగ్గరగా వచ్చింది. డ్రాగన్ దేశం చైనాను అధిగమించడానికి సిద్ధంగా ఉంది. లాక్డౌన్తో అందరూ ఇళ్లకే పరిమితమైన కోవిడ్ కాలంలో భారతదేశంలో జనాభా కాస్త పెరిగింది.
నిరుద్యోగిత రేటు ఇప్పటికే పెరుగుతోంది. దేశంలో పేదరికం కూడా సమస్యాత్మక స్థాయిలో ఉంది. దీని మధ్య, భారతదేశం మరింత జనాభాను జోడించి, ప్రపంచంలోనే అత్యధిక జనాభా కలిగిన దేశంగా మారుతుందని కొత్త నివేదిక పేర్కొంది. భారతదేశంలో పట్టణ జనాభా కూడా పెరుగుతుందని, 2035 నాటికి పట్టణ జనాభా 675 మిలియన్లకు చేరుతుందని, పట్టణ జనాభా పరంగా చైనా అత్యధిక జనాభా కలిగిన దేశంగా ఉంటుందని నివేదిక పేర్కొంది.