BBC : గోద్రా అల్లర్ల డాక్యుమెంటరీపై బీబీసీకి వ్య‌తిరేకంగా గుజ‌రాత్ అసెంబ్లీ తీర్మానం

It Officers In Bbc Offices.. Not Searches.. Surveys

2002 గోద్రా అల్లర్ల డాక్యుమెంటరీ కోసం బీబీసీకి వ్యతిరేకంగా గుజరాత్ అసెంబ్లీ తీర్మానం చేసింది. గోద్రా అల్లర్లకు సంబంధించిన డాక్యుమెంటరీ కోసం బీబీసీపై కఠిన చర్యలు తీసుకోవాలని గుజరాత్ అసెంబ్లీ శుక్రవారం కేంద్రాన్ని అభ్యర్థిస్తూ తీర్మానాన్ని ఆమోదించింది. ఈ డాక్యుమెంటరీ కేవలం మోడీకి వ్యతిరేకంగా కాదు, దేశంలోని 135 కోట్ల మంది పౌరులకు వ్యతిరేకంగా ఉందని గుజరాత్ హోం మంత్రి అన్నారు. గత నెలలో విడుదలైన బీబీసీ డాక్యుమెంటరీ ఇండియా: ది మోదీ క్వశ్చన్ దేశంలో పెద్ద దుమారాన్ని రేపింది. 2002 గుజరాత్ అల్లర్లకు సంబంధించి ప్రధాని మోడీ రాష్ట్ర ముఖ్యమంత్రిగా ఉన్నప్పుడు కొన్ని అంశాలను దర్యాప్తు చేసినట్లు బ్రాడ్‌కాస్టర్ పేర్కొంది. అయితే విదేశీ వ్యవహారాల మంత్రిత్వ శాఖ ఆ డాక్యుమెంటరీని నిష్పాక్షికత లేని, వలసవాద మనస్తత్వాన్ని ప్రతిబింబించే “ప్రచార భాగం అంటూ ట్రాష్ చేసింది. రెండు భాగాల డాక్యుమెంటరీలో 2002 అల్లర్ల సమయంలో రాష్ట్ర ముఖ్యమంత్రిగా ఉన్న ప్రధానమంత్రి నరేంద్ర మోదీ పాత్ర ఉందని బీబీసీ డాక్యుమెంట‌రీలో పేర్కొంది. జనవరి 21న, డాక్యుమెంటరీకి లింక్‌లను పంచుకునే బహుళ యూట్యూబ్ వీడియోలు, ట్విట్టర్ పోస్ట్‌లను బ్లాక్ చేయాలని ప్రభుత్వం ఆదేశాలు జారీ చేసింది. అనేక ప్రతిపక్ష పార్టీలు ప్రభుత్వ చర్యను నిందించారు
వివాదాస్పద డాక్యుమెంటరీ నేపథ్యంలో భారతదేశంలో బిబిసిపై పూర్తి నిషేధం విధించాలని కోరుతూ దాఖలైన పిటిషన్‌ను సుప్రీంకోర్టు కొట్టివేసింది.