Jharkhand : జార్ఖండ్ రాష్ట్రంలోని సెరైకేలా-ఖర్సవాన్ జిల్లాలోని చండిల్ సమీపంలో శనివారం తెల్లవారుజామున భారీ ప్రమాదం సంభవించింది. టాటానగర్ నుండి పురులియాకు వెళ్తున్న ఒక గూడ్స్ రైలు పట్టాలు తప్పింది. ఈ ప్రమాదంలో 20కిపైగా బోగీలు రైలుప్రమాదానికి గురైనట్టు రైల్వే అధికారులు వెల్లడించారు. గూడ్స్ రైలు ఐరన్ లోడ్తో నిండివుండగా, చండిల్ స్టేషన్ దాటి కొద్ది దూరం వెళ్లిన తరువాత ఈ ఘటన చోటుచేసుకుంది. ఈ ఘటనతో ఆగ్నేయ రైల్వేలోని చండిల్ – టాటానగర్ సెక్షన్లో రైలు సేవలు తాత్కాలికంగా నిలిచిపోయాయి. అయితే, శుభవార్త ఏమిటంటే ఈ ప్రమాదంలో ఎటువంటి ప్రాణనష్టం సంభవించలేదు. ప్రమాద స్థలంలో రైల్వే సిబ్బంది, సహాయక బృందాలు అత్యంత వేగంగా స్పందించి పరిస్థితిని నియంత్రణలోకి తెచ్చారు.
Read Also:Chandrababu : అంతర్జాతీయ ఆదివాసీ దినోత్సవం.. సీఎం చంద్రబాబు, మంత్రి లోకేశ్ శుభాకాంక్షలు
ఈ ఘటనపై స్పందించిన సీనియర్ డివిజనల్ కమర్షియల్ మేనేజర్ (ఆద్రా డివిజన్) వికాస్ కుమార్ మాట్లాడుతూ..ప్రమాదం కారణంగా చండిల్ నుంచి అప్ మరియు డౌన్ ట్రాక్లో రైలు సేవలపై తీవ్ర ప్రభావం చూపింది. ప్రస్తుతం రంగంలోకి దిగిన సిబ్బంది పునరుద్ధరణ పనుల్లో నిమగ్నమయ్యారు. మార్గాన్ని త్వరితగతిన క్లీన్ చేసి రైల్వే రాకపోకలు సాధారణ స్థితికి తీసుకురావాలని ప్రయత్నిస్తున్నాం అని తెలిపారు. ప్రమాద సమయంలో మరో గూడ్స్ రైలు ఎదురుగా రాగా, పట్టాలు తప్పిన బోగీలు ఆ రైలుకు ఢీకొనడం వల్ల రెండో గూడ్స్ రైలులోనూ అనేక బోగీలు పట్టాలు తప్పినట్టు సమాచారం. దీనివల్ల ట్రాక్ పూర్తిగా దెబ్బతిని, ట్రాఫిక్ నిలిచిపోయింది. ఈ ప్రమాదం కారణంగా టాటానగర్ మరియు చండిల్ మధ్య ప్రయాణించే అనేక రైళ్లు మళ్లింపులకు గురయ్యాయి. మరికొన్ని రద్దు చేయబడ్డాయి. రద్దు అయిన రైళ్లలో పాట్నా-టాటానగర్ (20894) వందే భారత్ ఎక్స్ప్రెస్, టాటానగర్-కతిహార్ (28181) ఎక్స్ప్రెస్, కతిహార్-టాటానగర్ (28182) ఎక్స్ప్రెస్లు ఉన్నాయి. ఇంకా ఇతర లోకల్ రైళ్ల రాకపోకలపై కూడా ప్రభావం పడినట్లు అధికారులు వెల్లడించారు.
ఈ ప్రమాదానికి గల కారణాలను గుర్తించేందుకు రైల్వే అధికారులు ప్రత్యేక విచారణ ప్రారంభించారు. ట్రాక్ దైన పరిస్థితి, అధిక లోడ్ లేదా యంత్రాంగ వైఫల్యాలు ఇందుకు కారణమా అనే కోణంలో దర్యాప్తు జరుగుతోంది. సమాచారం ప్రకారం, ప్రమాద సమయంలో గూడ్స్ రైలు పూర్తి వేగంతో కాకపోయినప్పటికీ, ఢీకొన్న బోగీల తీవ్రమైన ధాటికి మరొక రైలు కూడా గంభీరంగా ప్రభావితమైంది. ఈ ప్రమాదం మరోసారి రైల్వే భద్రతపై ప్రశ్నలు తలెత్తించగా, అధికారులు అన్ని విధాలుగా విచారణ చేసి మరింత సమగ్రమైన భద్రతా చర్యలు తీసుకోవాలని విశ్లేషకులు సూచిస్తున్నారు. ప్రస్తుతం, గూడ్స్ రైళ్లు, ప్రయాణికుల రైళ్లు తాత్కాలికంగా నిలిపివేసినప్పటికీ, మరమ్మతులు పూర్తయ్యాక సాధారణ స్థితికి రైలు రాకపోకలు వచ్చే అవకాశం ఉంది. ప్రయాణికులు తమ ప్రయాణానికి ముందు రైల్వే అధికారిక వెబ్సైట్ లేదా హెల్ప్లైన్ ద్వారా సమాచారాన్ని తెలుసుకోవాలని సూచిస్తున్నారు.
Read Also: Indiramma Housing Scheme : ఇందిరమ్మ ఇళ్లు కట్టుకునేవారికి గుడ్ న్యూస్..ఇక వారి ఖాతాల్లో కూడా డబ్బులు జమ