Indian Plane : ఫ్రాన్స్ చెర నుంచి విముక్తి.. ఆ విమానాన్ని ఆరు రోజులు ఎందుకు ఆపారంటే..
Indian Plane : ఆరు రోజుల ఉత్కంఠకు తెరపడింది.
- Written By: Pasha
- Updated On - December 26, 2023 / 12:40 PM IST
Indian Plane : ఆరు రోజుల ఉత్కంఠకు తెరపడింది. మానవ అక్రమ రవాణా ఆరోపణలతో ఫ్రాన్స్‌లో ఇన్ని రోజులుగా నిర్భంధంలో ఉన్న రుమేనియాకు చెందిన లెజెండ్ ఎయిర్‌లైన్స్ విమానం ఎట్టకేలకు మంగళవారం తెల్లవారుజామున ముంబైలో ల్యాండ్ అయింది. దాదాపు 276 మంది భారతీయ ప్రయాణికులతో కూడిన ఆ విమానం ఎట్టకేలకు ముంబైకు చేరుకుంది. ఇద్దరు మైనర్లతోపాటు 25 మంది ప్రయాణికులు ఫ్రాన్స్‌లోనే దిగిపోయారు.
We’re now on WhatsApp. Click to Join.
అసలేం జరిగింది ?
- రుమేనియాకు చెందిన లెజెండ్ ఎయిర్‌లైన్స్ విమానం గురువారం దుబాయ్ నుంచి నికరాగ్వాకు బయలుదేరింది.
- అందులో 303 మంది భారతీయ ప్రయాణికులు ఉన్నారు.
- ఈ విమానం(Indian Plane) ఇంధనం నింపుకోవడం కోసం ఫ్రాన్స్‌లోని వాట్రీ విమానాశ్రయంలో ఆగింది.
- అయితే మానవులను అక్రమంగా తరలిస్తున్నారనే అనుమానంతో ఫ్రెంచ్ అధికారులు ఆ విమానాన్ని అదుపులోకి తీసుకున్నారు.
- దీనిపై స్పందించిన ఫ్రాన్స్‌లోని భారత రాయబార కార్యాలయం స్థానిక అధికారులతో చర్చించింది.
- ఈ ఘటనపై వెంటనే ఫ్రాన్స్ ప్రభుత్వం న్యాయ విచారణ జరిపించింది.
- ఓ కంపెనీ క్లయింట్ కోసం విమానాన్ని నడిపామని, మానవ అక్రమ రవాణా ఆరోపణలతో తమకు ఎలాంటి సంబంధం లేదని లెజెండ్ ఎయిర్‌లైన్స్ న్యాయవాది స్పష్టం చేశారు.
- చివరకు ఈ కేసును న్యాయమూర్తులు రద్దు చేశారు. విమానం బయలుదేరేందుకు అనుమతులు ఇచ్చారు.
- నికరాగ్వా బార్డర్ నుంచి రోడ్డు మార్గంలో అమెరికాకు కేవలం 54 గంటల్లో వెళ్లొచ్చు.
- పెద్దసంఖ్యలో భారతీయులు నికరాగ్వా నుంచి అమెరికాలోకి అక్రమంగా చొరబడేందుకే నికరాగ్వాకు వెళ్తున్నారనే సమాచారం అందడంతో ఈ తనిఖీలు చేశారు.
- ఈ సంవత్సరంలో ఇప్పటివరకు 96,917 మంది భారతీయులు అక్రమంగా అమెరికాలోకి ప్రవేశిస్తూ ఆర్మీకి దొరికిపోయారు. ఇది గత సంవత్సరంతో పోలిస్తే 51.61 శాతం ఎక్కువ.
- మానవ అక్రమ రవాణా రుజువైతే అమెరికాలో 20 సంవత్సరాల వరకు జైలు శిక్ష పడుతుంది.