Uttarakhand : ఉత్తరాఖండ్ లో ఘోరరోడ్డు ప్రమాదం..కాలువలో పడిన వాహనం,12 మంది దుర్మరణం..!!

Road accident

ఉత్తరాఖండ్ లో ఘోరరోడ్డు ప్రమాదం జరిగింది. జోషిమత్ లో జరిగిన ఈ ప్రమాదంలో 12మంది మరణించారు. జోషిమత్ బ్లాక్ లోని ఉర్గాం పల్ల జఖోల మోటార్ వే పై ఓ వాహనం ఆకస్మాత్తుగా బ్యాలెన్స్ కోల్పోయి కాలువలో పడిపోయింది. అందులో 10 మంది పురుషులు, ఇద్దరు మహిళలు ఉన్నట్లు సమాచారం. ఘటనాస్థలానికి చేరుకున్న NDFR, SDRF బృందాలు ఘటనాస్థలానికి చేరుకున్నాయి.  ఇప్పటివరకు 12 మృతదేహాలను వెలికి తీశారు. అయితే ఆ వాహనంలో ఎంతమంది ఉన్నారనేదానిపై స్పష్టత లేదు. సహాయక చర్యలు ఇంకా కొనసాగుతున్నట్లు పోలీసు అధికారి తెలిపారు. గాయపడిన ముగ్గురిని ఆసుపత్రికి తరలించినట్లు చెప్పారు.

ఈ ఘటనపై సీఎం ధామి సంతాపం వ్యక్తం చేశారు. రెస్య్కూ ఆపరేషన్ త్వరితగతిన పూర్తి చేయాలని వీలైనంత వరకు క్షతగాత్రులను కాపాడే ప్రయత్నం చేయాలని అధికారులను ఆదేశించారు. ఆసుపత్రిలో చికిత్స పొందుతున్న వారికి మెరుగైన వైద్య సేవలు అందించాలన్నారు. డ్రైవర్ నిర్లక్ష్యంతోనే ఈ ప్రమాదం జరిగినట్లు పోలీసులు ప్రాధమిక అంచనాకు వచ్చారు.