Drone Sighting: సరిహద్దులో పెరిగిన పాక్ డ్రోన్ చొరబాట్లు

Drones

ఆయుధాలు, కాట్రిడ్జ్‌లు, డ్రగ్స్‌ను ఇతర వైపు నుండి స్మగ్లింగ్ చేసిన తర్వాత పాకిస్తాన్ సరిహద్దు (Border) వెంబడి భారత ప్రాంతాలకు వస్తున్న డ్రోన్‌ (Drones)ల సంఖ్య కూడా గణనీయంగా పెరిగింది. రెండు దేశాల సరిహద్దుల్లో పాకిస్థాన్ చేస్తున్న ఈ దుర్మార్గపు ప్రయత్నాలు దాదాపు ప్రతిరోజూ కనిపిస్తున్నాయి. గత కొన్ని నెలల్లో BSF.. పంజాబ్, జమ్మూ సరిహద్దు నుండి పాక్ ద్వారా పంపబడిన డ్రోన్లు, డ్రగ్స్, ఆయుధాలను పెద్ద మొత్తంలో స్వాధీనం చేసుకుంది. కాగా.. ఈ ఏడాది డిసెంబరు 23 వరకు ఇలాంటి మానవరహిత వైమానిక వాహనాలు (యూఏవీ) 311 సార్లు సరిహద్దుల్లో కనిపించినట్లు వెలుగులోకి వచ్చింది. 2021లో ఈ సంఖ్య 104గా ఉంది. 2021తో పోలిస్తే భారత్‌-పాకిస్థాన్‌ సరిహద్దుల్లో డ్రోన్‌ల చొరబాట్లు మూడు రెట్లు పెరిగాయి.

సరిహద్దు భద్రతా దళం (BSF) సేకరించిన డేటా ప్రకారం, కేంద్ర ప్రభుత్వ డేటా ప్రకారం.. 2020తో పోలిస్తే పాకిస్తాన్ నుండి వస్తున్న డ్రోన్ల సంఖ్య నాలుగు రెట్లు పెరిగాయి. 2020లో 77 పాకిస్థానీ UAVలు భారత్ వైపు కనిపించాయి. డేటా ప్రకారం.. ముందస్తుగా అప్రమత్తమైన BSF సిబ్బంది అటువంటి 22 కంటే ఎక్కువ డ్రోన్‌లను కాల్చివేసారు. సుమారు 45 కిలోల హెరాయిన్‌తో పాటు ఆయుధాలు, మందుగుండు సామాగ్రిని స్వాధీనం చేసుకున్నారు. ఆయుధాల కాష్‌లో ఏడు గ్రెనేడ్లు, రెండు మ్యాగజైన్లు, 60 రౌండ్ల మందుగుండు సామగ్రి, ఇతర ఆయుధాలు ఉన్నాయి.

జనవరి 1, 2020 నుండి ఈ సంవత్సరం డిసెంబర్ 23 వరకు భారతదేశం-పాకిస్తాన్ సరిహద్దులో కనిపించిన మొత్తం 492 డ్రోన్‌లలో ఈ సంవత్సరం 311, 2021లో 104, 2020లో 77 కనిపించాయి. ఈ మొత్తం డ్రోన్‌లలో పంజాబ్‌లో 369, జమ్మూలో 75, రాజస్థాన్‌లో 40, గుజరాత్‌లో 8 డ్రోన్లు కనిపించాయి. పంజాబ్‌లో అత్యధికంగా అమృత్‌సర్‌లో 164, గురుదాస్‌పూర్‌లో 96, ఫిరోజ్‌పూర్‌లో 84, అబోహర్ జిల్లాలో 25 డ్రోన్‌లు కనిపించాయి. అదే సమయంలో జమ్మూ సరిహద్దులోని ఇంద్రేశ్వర్ నగర్‌లో 35, జమ్మూలో 29, సుందర్‌బానిలో 11 డ్రోన్‌లు కనిపించాయి. శ్రీ గంగానగర్‌లో 32, బార్మర్‌లో ఏడు, ఉత్తరాన బికనీర్, జైసల్మేర్‌లో మూడు, జైసల్మేర్ దక్షిణంలో రెండు, రాజస్థాన్‌కు ఆనుకుని ఉన్న పాకిస్థాన్ సరిహద్దులోని భుజ్‌లో ఒక డ్రోన్‌లు కనిపించాయి.

Also Read: KTR: సెస్ ఎన్నికలతో బిజెపిని తిరస్కరించిన ప్రజలు!

ఈ సంవత్సరం జూలై 1- డిసెంబర్ 23 మధ్య మొత్తం 206 డ్రోన్లు కనిపించాయని కూడా ఈ గణాంకాలను బట్టి తెలుస్తోంది. వాటిలో ఆగస్టులో గరిష్టంగా 45 డ్రోన్లు కనిపించగా, సెప్టెంబర్‌లో 44, అక్టోబర్‌లో 38, నవంబర్‌లో 36, డిసెంబర్‌లో 24 డ్రోన్‌లు కనిపించాయి. జూలైలో సరిహద్దులో అత్యల్పంగా 19 డ్రోన్లు కనిపించాయి. ఇందులో అమృత్‌సర్‌లో 60, ఫిరోజ్‌పూర్‌లో 55, గురుదాస్‌పూర్‌లో 39, అబోహర్‌లో 23, శ్రీ గంగానగర్‌లో 10, ఇంద్రేశ్వర్ నగర్‌లో 6, జమ్మూలో 5, బార్మర్‌లో 3, జైసల్మేర్ నార్త్‌లో 2, సరిహద్దులో డ్రోన్‌ల చొరబాటు కేసు ఒకటి బికనీర్‌లో నమోదయ్యాయి.

పెరుగుతున్న డ్రోన్ల సంఖ్యను వివరిస్తూ ఆయుధాలు, పేలుడు పదార్థాలు, మాదకద్రవ్యాల సరిహద్దు స్మగ్లింగ్ కోసం పాకిస్తాన్ డ్రోన్‌లను ఉపయోగిస్తుందని BSF అధికారులు తెలిపారు. అక్టోబరులో శ్రీనగర్‌లో జరిగిన భద్రతా సమీక్ష సమావేశంలో సరిహద్దు ఆవతల నుండి డ్రోన్ కార్యకలాపాలు అకస్మాత్తుగా పెరగడం కేంద్ర హోం మంత్రి అమిత్ షా దృష్టికి తీసుకువచ్చింది. ఈ సమావేశంలో అత్యున్నత భద్రతా, నిఘా సంస్థల అధిపతులు కూడా పాల్గొన్నారు. అదే సమయంలో పాకిస్తాన్ నుండి ఆయుధాలు, మందుగుండు సామగ్రి, పేలుడు పదార్థాలను మోసుకెళ్ళే డ్రోన్‌లను తిప్పికొట్టగలిగామని BSF పేర్కొంది. దీంతో బీఎస్ఎఫ్ జవాన్లు మరింత అప్రమత్తంగా ఉన్నారు.