Deputy CM – 94 Votes : ఆయన ఒక ఉప ముఖ్యమంత్రి !! అయితేనేం రాజకీయాల్లో గెలుపోటములు సహజం.. అవి ఎవరినీ వదలవు!! ఛత్తీస్గఢ్ అసెంబ్లీ ఎన్నికల్లో డిప్యూటీ సీఎం టీఎస్ సింగ్ దేవ్ కేవలం 94 ఓట్ల తేడాతో ఓడిపోయారు. టీఎస్ సింగ్ దేవ్ అంబికాపూర్ అసెంబ్లీ స్థానం నుంచి పోటీ చేశారు. ఇక్కడ సింగ్ దేవ్కు మొత్తం 90,686 ఓట్లు రాగా, బీజేపీ అభ్యర్థి రాజేశ్ అగర్వాల్కు 90,780 ఓట్లు వచ్చాయి. దీంతో 94 ఓట్ల లీడ్తో విజయం బీజేపీ అభ్యర్థిని వరించింది.
- ఛత్తీస్గఢ్లోని కాంకేర్ అసెంబ్లీ స్థానంలో బీజేపీ అభ్యర్థి ఆశారామ్ నేతమ్ 16 ఓట్ల తేడాతో గెలిచారు. ఇక్కడ ఆశారామ్కు 67,980 ఓట్లు రాగా, సమీప కాంగ్రెస్ అభ్యర్థి శంకర్ ధ్రువకు 67,964 ఓట్లు పడ్డాయి.
- పత్యాలంగావ్ స్థానంలో బీజేపీ అభ్యర్థి గోమతి సాయి 255 ఓట్లతో గెలిచారు. ఇక్కడ ఆమెకు 82,320 ఓట్లు రాగా, సమీప కాంగ్రెస్ అభ్యర్థికి 82,065 ఓట్లు వచ్చాయి.
- పాలీ తానాఖార్ స్థానంలో గోండ్వానా రిపబ్లిక్ పార్టీ అధ్యక్షుడు తులేశ్వర్ సింగ్ మర్కామ్ 714 ఓట్లతో గెలుపొందారు. ఇక్కడ ఈయనకు 60,862 ఓట్లు రాగా, కాంగ్రెస్ అభ్యర్థి దులేశ్వరి సిదర్కు 60,148 ఓట్ల పడ్డాయి.
- బింద్రాన్వాగఢ్ స్థానంలో కాంగ్రెస్ అభ్యర్థి జనక్ ధ్రువ్ 816 ఓట్ల తేడాతో బీజేపీ అభ్యర్థి గోవర్థన్ సింగ్ మాంఝీపై గెలిచారు. ఇక్కడ ధ్రువ్కు 92,639 ఓట్లు రాగా, ప్రత్యర్థి గోవర్థన్ సింగ్కు 91,823 ఓట్లు వచ్చాయి.
- భిలాయ్ నగర్ స్థానంలో కాంగ్రెస్ అభ్యర్థి దేవేంద్ర యాదవ్ 1,264 ఓట్ల తేడాతో గెలిచారు. ఇక్కడ బీజేపీ అభ్యర్థి ప్రేమ్ ప్రకాశ్ పాండేకు 53,141 ఓట్లు రాగా, దేవేంద్రకు 54,405 ఓట్లు వచ్చాయి.
- 13 మందితో కూడిన ఛత్తీస్గఢ్ మంత్రివర్గంలో 9 మంది ఈ ఎన్నికల్లో ఓడిపోవడం(Deputy CM – 94 Votes) గమనార్హం.