Bomb Threat : దేశ రాజధాని ఢిల్లీలో గత మూడు రోజులుగా వరుసగా వస్తున్న బాంబు బెదిరింపులు విద్యార్థులు, తల్లిదండ్రులను తీవ్ర ఆందోళనకు గురిచేస్తున్నాయి. సోమవారం నుంచి ప్రారంభమైన ఈ ఘటనలు ఇప్పటికీ కొనసాగుతుండటంతో, పోలీసులు అప్రమత్తంగా తనిఖీలు చేపడుతున్నారు. ఇప్పటివరకు అందిన సమాచారం ప్రకారం ఇవన్నీ నకిలీ బెదిరింపులుగా తేలినా, స్కూల్లలో చదువుతున్న చిన్నారులు, వారి కుటుంబాలు ఆందోళన చెందకమానడం లేదు.
మొదట సోమవారం ఢిల్లీలోని సుమారు 30 పాఠశాలలకు ఈమెయిల్ ద్వారా బాంబు బెదిరింపులు వచ్చాయి. వెంటనే పోలీసులు, అగ్నిమాపక సిబ్బంది, బాంబ్ స్క్వాడ్ సంఘటనా స్థలాలకు చేరుకుని విస్తృత సోదాలు చేపట్టారు. విద్యార్థులను సురక్షితంగా బయటకు తరలించి, తరగతులను రద్దు చేశారు. గణనీయమైన తనిఖీల అనంతరం ఇవన్నీ నకిలీ అని నిర్ధారించారు. ఇంకా రెండు రోజులకే, అంటే బుధవారం, ఢిల్లీలోని 50 పాఠశాలలకు మరోసారి బాంబు బెదిరింపులు వచ్చాయి. ఈసారి కూడా పోలీసులు అదే తరహాలో అప్రమత్తమై సోదాలు చేపట్టారు. తల్లిదండ్రులు తమ పిల్లలను స్కూల్ నుంచి త్వరగా తీసుకెళ్లగా, అధికారులు మళ్లీ ఇవి నకిలీవేనని నిర్ధారించారు.
Telangana : పార్టీ మారిన పది మంది ఎమ్మెల్యేలకు స్పీకర్ నోటీసులు !
తాజాగా గురువారం మరోసారి ఐదు పాఠశాలలకు బాంబు బెదిరింపులు వచ్చాయి. వీటిలో ప్రసాద్ నగర్, ద్వారకా సెక్టార్–5 ప్రాంతాల్లోని పాఠశాలలు ఉన్నాయి. ముఖ్యంగా ద్వారకాలో ఉన్న Delhi Public School, BGS International Public School, Sri Venkateshwar School, Global School వంటి విద్యాసంస్థలకు ఈమెయిల్ ద్వారా బెదిరింపులు రావడంతో వెంటనే విద్యార్థులను ఇంటికి పంపించి సెలవు ప్రకటించారు. ఈ బెదిరింపులు అందిన వెంటనే ఢిల్లీ పోలీసులు, అగ్నిమాపక సిబ్బంది, బాంబ్ డిస్పోజల్ స్క్వాడ్లు స్కూల్ ప్రాంగణాలను తనిఖీ చేశారు. ఎటువంటి అనుమానాస్పద వస్తువులు లభించకపోవడంతో ఇవన్నీ హోక్స్ (నకిలీ) బెదిరింపులే అని తేల్చారు. అయితే, ఈమెయిల్స్ వెనుక ఎవరి చేయి ఉందో తెలుసుకోవడానికి దర్యాప్తు కొనసాగుతోంది.
వరుసగా మూడు రోజులుగా వస్తున్న ఈ బెదిరింపులు కారణంగా విద్యార్థుల చదువుకు అంతరాయం కలుగుతోంది. స్కూల్లలో తరగతులు రద్దు చేయబడటంతో అకడమిక్ షెడ్యూల్ దెబ్బతింటోంది. చిన్నారులు భయాందోళనకు గురవుతుండగా, తల్లిదండ్రులు తమ పిల్లల భద్రతపై ఆందోళన వ్యక్తం చేస్తున్నారు. ఈ తరహా ఘటనలు నిరంతరం పునరావృతమవుతుండటంతో, భవిష్యత్తులో ఇలాంటి నకిలీ బెదిరింపులు చేసే వారి పై కఠిన చట్టపరమైన చర్యలు తీసుకోవాలని ఢిల్లీ పోలీసులు ఆలోచిస్తున్నారు. ఐటీ విభాగం సహకారంతో ఈమెయిల్స్ మూలాన్ని కనుగొని నిందితులను త్వరలో పట్టుకుంటామని అధికారులు ధీమా వ్యక్తం చేశారు.
Medaram Jatara : మేడారం జాతరకు రూ. 150 కోట్ల నిధులు మంజూరు చేసిన ప్రభుత్వం