Business Ideas: మీరు మీ ఉద్యోగంతో విసుగు చెంది మీరు స్వంత వ్యాపారాన్ని (Business) ప్రారంభించాలనుకుంటే.. మేము మీకు గొప్ప వ్యాపార (Business) ప్రణాళిక గురించి సమాచారాన్ని అందిస్తున్నాం. మీరు చాలా తక్కువ పెట్టుబడితో ఈ వ్యాపారాన్ని ప్రారంభించవచ్చు. ఇది కొన్ని రోజుల్లో మీకు చాలా మంచి రాబడిని కూడా ఇవ్వగలదు. ఇప్పుడు మేము చెప్పబోయే బిజినెస్ పేపర్ కప్స్ వ్యాపారం. ఈ పేపర్ కప్ వ్యాపారానికి డిమాండ్ చాలా వేగంగా పెరిగింది. అనేక ప్లాస్టిక్ ఉత్పత్తులను ప్రభుత్వం నిషేధించిన సందర్భంలో కాగితంతో చేసిన పేపర్ కప్పులకు డిమాండ్ ఒక్కసారిగా పెరిగిపోయింది. ఈరోజుల్లో చాలా హోటళ్లలో, జ్యూస్ షాపుల్లో కూడా ఈ పేపర్ కప్పులు వాడడం మీరు తప్పక చూసే ఉంటారు. ఇటువంటి పరిస్థితిలో ఈ వ్యాపారం మీకు చాలా లాభదాయకంగా ఉంటుంది.
ప్లాస్టిక్ నిషేధం తర్వాత పెరిగిన డిమాండ్
దేశంలో కాలుష్యాన్ని తగ్గించేందుకు వివిధ రకాల ప్లాస్టిక్‌లను నిషేధించాలని ప్రభుత్వం నిర్ణయించింది. ఇటువంటి పరిస్థితిలో కాగితంతో తయారు చేయబడిన పర్యావరణ అనుకూల కప్పుల కోసం డిమాండ్ వేగంగా పెరిగింది. మీరు ఈ కప్పును వివిధ పరిమాణాలలో మార్కెట్ అవసరాలకు అనుగుణంగా సిద్ధం చేయవచ్చు.
ప్రభుత్వం సహాయం
ఈ వ్యాపారం కాలుష్య సమస్యను కూడా పరిష్కరించగలదు. కాబట్టి ప్రభుత్వం కూడా ఈ రకమైన వ్యాపార ప్రణాళికను ప్రోత్సహిస్తుంది. అంతే కాకుండా ఈ వ్యాపారాన్ని ప్రారంభించడానికి ప్రభుత్వం ముద్ర లోన్ సదుపాయాన్ని అందిస్తుంది. ఇందులో తక్కువ వడ్డీతో పాటు మీకు సబ్సిడీ సౌకర్యం కూడా లభిస్తుంది. ఈ వ్యాపారాన్ని ప్రారంభించడానికి మీరు మొత్తం ఖర్చులో 25 శాతం పెట్టుబడి పెట్టాల్సి ఉంటుంది. మిగిలిన 75 శాతం బ్యాంకు నుండి రుణంగా పొందవచ్చు.
Also Read: Suzuki Two Wheelers: భారత్ మార్కెట్ లో పెరుగుతున్న సుజుకి వాహనాల డిమాండ్..!
ఇలా వ్యాపారం ప్రారంభించండి..!
పేపర్ కప్పుల వ్యాపారాన్ని ప్రారంభించడానికి దాదాపు మీకు 500 చదరపు అడుగుల స్థలం అవసరం. దీనితో పాటు మీకు తక్కువ తయారీ యంత్రం, ఇతర ముడి పదార్థాలు కూడా అవసరం. ఈ మొత్తం వ్యాపారాన్ని ప్రారంభించడానికి మీకు రూ.10 లక్షల పెట్టుబడి అవసరం. దీనిలో మీరు రూ.2.5 లక్షలు పెట్టుబడి పెట్టాలి. మిగిలిన రూ.7.5 లక్షల బ్యాంక్ నుండి రుణం పొందవచ్చు. ఈ వ్యాపారం ద్వారా మీరు ప్రతి నెలా దాదాపు రూ. 75 వేల నుండి 1 లక్ష రూపాయల వరకు సంపాదించవచ్చు.