బంగారం స్మగ్లింగ్ కేసులో అరెస్టైన నటి రన్యా రావు(Ranya Rao)పై బీజేపీ ఎమ్మెల్యే బసనగౌడ పాటిల్ (Karnataka BJP MLA Basangouda Patil)చేసిన వ్యాఖ్యలు (vulgar Comments) తీవ్ర చర్చనీయాంశంగా మారాయి. ఆమె శరీరంలోని ప్రతీ భాగంలో బంగారం దాచుకొని అక్రమంగా దేశంలోకి తెచ్చిందని ఆయన ఆరోపించారు. ఈ వ్యవహారంలో ఉన్న మరిన్ని కీలక విషయాలు తన వద్ద ఉన్నాయని, త్వరలో అసెంబ్లీలో వెల్లడిస్తానని ప్రకటించారు. బసనగౌడ పాటిల్ చేసిన వ్యాఖ్యలు సంచలనంగా మారాయి, ముఖ్యంగా మహిళల గురించి ఈ విధంగా మాట్లాడటం అమర్యాదకరంగా ఉందంటూ పలువురు విమర్శిస్తున్నారు.
Babri Like Fate : బాబ్రీకి పట్టిన గతే ఔరంగజేబు సమాధికీ.. వీహెచ్‌పీ, బజరంగ్ దళ్ వార్నింగ్
ఈ కేసుకు సంబంధించి రాజకీయ వర్గాల్లో గట్టి ప్రకంపనలు మొదలయ్యాయి. రన్యా రావు వ్యవహారం వెనుక మరెవరెవరి ప్రమేయం ఉందన్న దానిపై వివిధ రాజకీయ పార్టీలు తమ తమ అంచనాలు వేస్తున్నాయి. ఎమ్మెల్యే చేసిన ఆరోపణలు ప్రభుత్వ వర్గాలను కూడా కదిలించాయి. బంగారం స్మగ్లింగ్ వ్యవహారం అంతర్జాతీయ మాఫియాతో ఏమైనా సంబంధం ఉందా? రాజకీయ నాయకుల ప్రమేయం ఉందా? అనే కోణంలో దర్యాప్తు జరగాలని పలువురు కోరుతున్నారు.
ఇక బసనగౌడ పాటిల్ చేసిన వ్యాఖ్యలపై రన్యా రావు కుటుంబ సభ్యులు మండిపడుతున్నారు. తగిన ఆధారాలు లేకుండా మహిళపై ఇలాంటి అసభ్యకర ఆరోపణలు చేయడం అనుచితమని, ఆయన మాటలకు పూర్తి వివరణ ఇవ్వాలని డిమాండ్ చేస్తున్నారు. సోషల్ మీడియాలోనూ ఈ అంశం చర్చనీయాంశమైంది. మహిళల గురించి బాధ్యత లేకుండా మాట్లాడటం ఎంతవరకు సమంజసం? అని నెటిజన్లు ప్రశ్నిస్తున్నారు. ఈ వివాదంపై అధికార పార్టీ ఎలా స్పందిస్తుందో, రన్యా రావు నిజంగా బంగారం స్మగ్లింగ్ వ్యవహారంలో ప్రమేయం ఉన్నదా లేదా అనే అంశంపై దర్యాప్తు ఏ మేరకు సాగుతుందో వేచి చూడాల్సిందే.