నెల మారుతుందంటే సామాన్య ప్రజల్లోనే కాదు బ్యాంకు ఖాతాదారుల్లో (Bank Customers) కొత్త టెన్షన్. సామాన్య ప్రజలు గ్యాస్ ధర (Gas Price) ఎంత పెరుగుతుందో అని..వంట సామాన్ల ధరలు ఎలా ఉండబోతున్నాయో అని , పెట్రోల్ ధరలు (Petrol Price) తగ్గుతాయా..పెరుగుతాయా..అని ఎదురుచూస్తుంటారు. ఇక బ్యాంకు ఖాతాదారులు కొత్తగా ఏ రూల్స్ వస్తాయో..బ్యాంకు టైమింగ్స్ ఎలా ఉండబోతున్నాయి..ఎన్ని రోజులు బ్యాంకులకు సెలవులు ఉండబోతున్నాయో..అనేది చూస్తుంటారు.
ఇప్పుడు కూడా అలాగే ఎదురుచూస్తున్నారు. మరో నాల్గు రోజుల్లో మే (May 2024) నెల రాబోతుంది. ఈ తరుణంలో మే నెలలో బ్యాంకులకు ఎన్ని రోజులు పనిచేస్తున్నాయి..ఏ ఏ రోజు బ్యాంకులకు సెలవులు అనేది తెలుసుకునే పనిపడ్డారు. ఇక వచ్చే నెలలో బ్యాంకులకు ఏకంగా 12 రోజుల పాటు సెలవులు రాబోతున్నాయి. వీటిలో 2 & 4 శనివారాలు, ఆదివారాలు కలిసి ఉన్నాయి. ఈ నెలలో లోక్‌సభ ఎన్నికల పోలింగ్‌ కారణంగా కొన్ని రాష్ట్రాల్లో బ్యాంకులను మూసివేస్తారు. మే డే, రవీంద్రనాథ్ ఠాగూర్ జయంతి, నజ్రుల్ జయంతి, అక్షయ తృతీయ వంటి సందర్భాలు కూడా ఉన్నాయి. కాకపోతే ఈ సెలవులు రాష్ట్రం లేదా ప్రాంతాన్ని బట్టి మారుతున్నాయి.
ఇక మే నెలలో ఏ ఏ రోజు బ్యాంక్‌ సెలవు చూద్దాం.
మే 01 (బుధవారం): మహారాష్ట్ర దినోత్సవం/ మే డే (కార్మిక దినోత్సవం) సందర్భంగా బ్యాంకులకు సెలవు.
మే 05: ఆదివారం, దేశవ్యాప్తంగా బ్యాంక్‌లు పని చేయవు
We’re now on WhatsApp. Click to Join.
మే 08 (బుధవారం): రవీంద్రనాథ్ ఠాగూర్ జయంతి (Rabindra Jayanti) సందర్భంగా కోల్‌కతాలోని అన్ని బ్యాంకులను మూసివేయనున్నారు
మే 10 (శుక్రవారం): బసవ జయంతి/ అక్షయ తృతీయ సందర్భంగా బెంగళూరులో బ్యాంకులకు సెలవు ఇచ్చారు
మే 11: రెండో శనివారం, దేశంలోని అన్ని బ్యాంక్‌లు మూతబడతాయి
మే 12: ఆదివారం, దేశవ్యాప్తంగా బ్యాంక్‌లు పని చేయవు
మే 13 : లోక్ సభ , అసెంబ్లీ ఎన్నికలు సందర్బంగా పలు రాష్ట్రాల్లోని బ్యాంకులకు సెలవులు ప్రకటించారు.
మే 16 (గురువారం): రాష్ట్ర దినోత్సవం సందర్భంగా గ్యాంగ్‌టక్‌లోని అన్ని బ్యాంకులకు సెలవు
మే 19: ఆదివారం, దేశవ్యాప్తంగా బ్యాంక్‌లు పని చేయవు
మే 20 (సోమవారం): లోక్‌సభ సార్వత్రిక ఎన్నికల పోలింగ్‌ సందర్భంగా బేలాపూర్, ముంబైలోని బ్యాంకులను మూసేస్తారు.
మే 23 (గురువారం): బుద్ధ పూర్ణిమ సందర్భంగా అగర్తల, ఐజ్వాల్, బేలాపూర్, భోపాల్, చండీగఢ్, డెహ్రాడూన్, ఇటానగర్, జమ్ము, కోల్‌కతా, లక్నో, ముంబై, నాగ్‌పూర్, న్యూదిల్లీ, రాయ్‌పూర్, రాంచీ, సిమ్లా, శ్రీనగర్‌లో బ్యాంకులు పని చేయవు.
మే 25: నాలుగో శనివారం, దేశంలోని అన్ని బ్యాంక్‌లు మూతబడతాయి
మే 26: ఆదివారం, దేశవ్యాప్తంగా బ్యాంక్‌లు పని చేయవు
ఇలా మొత్తంగా 12 రోజుల పాటు సెలవులు రాబోతున్నాయి. అయినప్పటికీ మొబైల్ బ్యాంకింగ్, UPI, ఇంటర్నెట్ బ్యాంకింగ్ వంటి డిజిటల్ సర్వీస్‌లు ప్రజలకు అందుబాటులో ఉంటాయి కాబట్టి ఖాతాదారులకు ఎలాంటి ఇబ్బంది ఉండదు.
Read Also : The World’s Costliest Mango : వామ్మో కేజీ మామిడి పండ్లు లక్షపైనేనా..?