Bangladesh LIVE: బంగ్లాదేశ్ తాత్కాలిక ప్రభుత్వాధినేతగా ప్రమాణ స్వీకారం చేసిన నోబెల్ గ్రహీత మహ్మద్ యూనస్‌ను ప్రధాని నరేంద్ర మోదీ అభినందించారు. బంగ్లాదేశ్‌లో వీలైనంత త్వరగా సాధారణ పరిస్థితులు నెలకొంటాయని ప్రధాని మోదీ ఆశాభావం వ్యక్తం చేశారు. రెండు దేశాల ప్రజల ఉమ్మడి ఆకాంక్షలను నెరవేర్చేందుకు బంగ్లాదేశ్‌తో కలిసి పనిచేయడానికి భారత్ కట్టుబడి ఉందని ఆయన అన్నారు. బంగ్లాదేశ్‌లో త్వరలో సాధారణ పరిస్థితులు నెలకొంటాయని, హిందువులు మరియు ఇతర మైనారిటీ వర్గాలందరికీ భద్రత ఉంటుందని మేము ఆశిస్తున్నామని ప్రధాని మోదీ అన్నారు.
బంగ్లాదేశ్ తాత్కాలిక ప్రభుత్వాధినేతగా నోబెల్ గ్రహీత మహ్మద్ యూనస్ గురువారం ప్రమాణ స్వీకారం చేసిన సంగతి తెలిసిందే. బంగాభబన్‌లో జరిగిన కార్యక్రమంలో 84 ఏళ్ల యూనస్‌తో అధ్యక్షుడు మహ్మద్ షహబుద్దీన్ ప్రమాణ స్వీకారం చేయించారు. షేక్ హసీనా దేశం విడిచి వెళ్లడాన్ని రెండో స్వాతంత్ర్యంగా యూనస్ అభివర్ణించారు. ప్రమాణ స్వీకారోత్సవం సందర్భంగా యూనస్ మాట్లాడుతూ.. నేను రాజ్యాంగాన్ని పరిరక్షిస్తాను, మద్దతు ఇస్తాను. నేను నా బాధ్యతలను నిజాయితీగా నిర్వర్తిస్తానన్నారు.
ఢాకాలోని రాష్ట్రపతి భవన్‌లో విదేశీ దౌత్యవేత్తలు, పౌర సమాజ సభ్యులు, అగ్రశ్రేణి వ్యాపారవేత్తలు మరియు ప్రతిపక్ష పార్టీ సభ్యుల సమక్షంలో బంగ్లాదేశ్ అధ్యక్షుడు మహ్మద్ షహబుద్దీన్ ప్రధానమంత్రికి సమానమైన ప్రధాన సలహాదారుగా యూనస్‌తో ప్రమాణం చేశారు. ఈ సందర్భంగా హసీనా పార్టీ ప్రతినిధి ఎవరూ హాజరు కాలేదు. తాత్కాలిక క్యాబినెట్‌లో మరో 16 మంది ఉన్నారు, ప్రధానంగా పౌర సమాజానికి చెందిన సభ్యులు. ఇందులో ఇద్దరు విద్యార్థి నాయకులు కూడా ఉన్నారు. విద్యార్థి నాయకులు, పౌర సమాజ ప్రతినిధులు మరియు సైన్యం మధ్య చర్చల తర్వాత యూనస్‌ను ఈ వారం తాత్కాలిక నాయకుడిగా ఎన్నుకున్నారు.
Also Read: Olympics Javeline: సిల్వర్ పతకం కొట్టిన నీరజ్ చోప్రా.. పాకిస్థాన్ నదీమ్ అర్షద్‌కు గోల్డ్