Bangladesh Crisis: బంగ్లాదేశ్ తాత్కాలిక ప్రభుత్వానికి హోం వ్యవహారాల సలహాదారు బ్రిగేడియర్ జనరల్ (రిటైర్డ్) ఎం సఖావత్ హుస్సేన్ నిరసనకారులకు గట్టి వార్నింగ్ ఇచ్చారు. ఆగస్టు 19 లోగా అన్ని అక్రమ మరియు అనధికార ఆయుధాలను అందజేయాలని నిరసనకారులను కోరారు. ఈ ఆయుధాలలో ఇటీవలి హింసాకాండలో ప్రభుత్వం నుండి దోచుకున్న రైఫిల్స్ కూడా ఉన్నాయి.
ఆయుధాలను సమీపంలోని పోలీస్ స్టేషన్‌లకు తిరిగి ఇవ్వకపోతే, అధికారులు సోదాలు నిర్వహిస్తారని, ఎవరైనా అనధికార ఆయుధాలు కలిగి ఉంటే, వారిపై కేసు నమోదు చేస్తామని హుస్సేన్ చెప్పినట్లు డైలీ స్టార్ వార్తాపత్రిక నివేదించింది. జాయింట్ మిలిటరీ ఆసుపత్రిలో భారీ నిరసనల సమయంలో గాయపడిన వారిని కలిసి మాట్లాడిన తర్వాత హుస్సేన్ విలేకరులతో మాట్లాడారు. నిరసనల సందర్భంగా విద్యార్థులతో సహా సుమారు 500 మంది మరణించారని, వేల మంది గాయపడ్డారని హుస్సేన్ చెప్పారు. ఓ యువకుడు 7.62 ఎంఎం రైఫిల్‌ని లాక్కుంటూ వీడియోలో కనిపిస్తున్నాడని తెలిపారు. అంటే రైఫిల్ తిరిగి ఇవ్వలేదు. మీరు ఆయుధాలను అప్పగించకపోతే మరొకరి ద్వారా ఆయుధాలను అప్పగించండని నిరసనకారులని హెచ్చరించారు.
కాల్పులు జరిపిన సాధారణ దుస్తుల్లో ఉన్న యువకులను గుర్తించేందుకు దర్యాప్తు చేస్తామని హుస్సేన్ చెప్పారు. అయితే ఈ విషయంలో తప్పుదోవ పట్టించే వార్తలను ప్రచురించినా, ప్రసారం చేసినా మీడియా సంస్థలు మూతపడతాయని ఆయన అన్నారు.ఉద్యోగాలలో వివాదాస్పద కోటా విధానంపై తన ప్రభుత్వానికి వ్యతిరేకంగా జరిగిన ఘోరమైన నిరసనల కారణంగా దేశంలో అశాంతి కారణంగా మాజీ ప్రధాని హసీనా గత వారం రాజీనామా చేసి భారతదేశానికి వచ్చారు.ప్రస్తుతం ఆమెకు ఇండియన్ ప్రభుత్వం ఆశ్రయం కల్పించింది.
Also Read: Paris Olympics: మను భాకర్- నీరజ్ చోప్రాల లవ్ ఎఫైర్..?