భారతదేశం భయం గుప్పిట్లో బ‌తుకుతోంద‌ని కేంద్ర మాజీ మంత్రి చిదంబరం ఆందోళన చెందారు. రాజకీయ పార్టీలతో పాటు సమాజంలోని మూలస్తంభాలన్నీ భయంతో అల్లాడుతున్నాయని అన్నారు. ఒక ప్రైవేటు ఛాన‌ల్ కార్య‌క్ర‌మంలో పాల్గొన్న ఆయ‌న గత కొన్ని ఏళ్లుగా భారతదేశం వ్యాప్తంగా భయం ప‌ట్టుకుంద‌ని పేర్కొన్నారు.
గత ఎనిమిదేళ్లుగా భారతదేశంలో ఏ క్ష‌ణంలో ఏమి జరుగుతుందో అనే ఆందోళన ఉందని అన్నారు. “ప్రజలు ఆందోళన చెందారు. భారతదేశానికి ఏమి జరుగుతుందో ఆలోచించడం ప్రారంభించారు, అయితే దేశంలో సర్వవ్యాప్త భయం ఉంది. సమాజపు మూలస్తంభాలు భయంతో పట్టుకున్నందున సర్వవ్యాప్త భయం ఉంది” అని చిదంబరం అన్నారు.
Also Read: T-Congress: రేవంత్ రెడ్డి దెబ్బ, బీజేపీ గూటికి మ‌ర్రి?
చాలా మంది ఒక పార్టీ నుండి మరొక పార్టీలోకి మారుతున్నారు. లేదంటే వారి కుటుంబాన్ని వేధింపులకు గురిచేస్తారనే భయం ఉందని ఆరోపించారు. గత యుపిఎ ప్రభుత్వం గురించి పి చిదంబరం మాట్లాడుతూ, “మేము భారతదేశాన్ని దెబ్బతీసేది ఏదీ చేయలేదు. మేము భారతదేశంలో ఆర్థిక వ్యవస్థకు హాని కలిగించే తప్పులు చేయలేదు. భారతదేశంలోని విద్యను దెబ్బతీయ‌లేదు. భారతదేశంలోని క్రీడకు హాని కలిగించ‌లేదు. భారత్‌కు నష్టం కలిగించేలా ఏమీ చేయలేదు.` అంటూ చిదంబరం వివ‌రించారు.