Earthquake : అలాస్కాలో 6.2 తీవ్రతతో భారీ భూకంపం సంభవించగా, తజాకిస్తాన్‌తో పాటు భారత్‌లోని పలు రాష్ట్రాల్లో కూడా భూప్రకంపనలు నమోదయ్యాయి. నేషనల్ సెంటర్ ఫర్ సిస్మాలజీ (NCS) విడుదల చేసిన సమాచారం ప్రకారం, అలాస్కాలో సంభవించిన ఈ భూకంపం రిక్టర్ స్కేల్‌పై 6.2 తీవ్రతతో నమోదైంది. భూకంప కేంద్రం భూమికి 48 కిలోమీటర్ల లోతులో ఉన్నట్టు వెల్లడించారు. కేవలం కొన్ని రోజుల క్రితమే, జూలై 17న కూడా అలాస్కాలో 7.3 తీవ్రతతో భారీ భూకంపం సంభవించిందని అధికారులు గుర్తుచేశారు. ఆ భూకంపం 36 కిలోమీటర్ల లోతులో చోటుచేసుకుంది.
సునామీ హెచ్చరికలు
తాజా భూకంపం తర్వాత అలాస్కా తీరప్రాంతాలకు సునామీ హెచ్చరికలు జారీ చేయబడ్డాయి. అమెరికా జాతీయ వాతావరణ సేవ ప్రకారం, ప్రజలు జాగ్రత్తలు తీసుకోవాలని, తీర ప్రాంతాలు, జలమార్గాలను వెంటనే ఖాళీ చేయాలని సూచించారు. ఎత్తైన ప్రదేశాలకు తరలిపోవడం ద్వారా ముప్పు తగ్గించవచ్చని హెచ్చరించారు.
Health Tips: ఉద‌యం త్వ‌ర‌గా నిద్ర లేస్తే ఇన్ని లాభాలు ఉంటాయా?
తజాకిస్తాన్‌లో వరుస భూకంపాలు
అలాస్కా తర్వాత తజాకిస్తాన్‌లోనూ వరుస భూప్రకంపనలు సంభవిస్తున్నాయి. తాజాగా 4.6 తీవ్రతతో భూకంపం నమోదు కాగా, ఇది 23 కిలోమీటర్ల లోతులో చోటుచేసుకున్నట్టు సిస్మాలజీ సంస్థలు వెల్లడించాయి. అంతకముందు జూలై 18న 3.8 తీవ్రత, జూలై 12న 4.8 తీవ్రతతో భూప్రకంపనలు సంభవించాయి. ఈ రెండు భూకంపాలు సుమారు 160 కిలోమీటర్ల లోతులో నమోదయ్యాయి.
భారత్‌లో కూడా స్వల్ప ప్రకంపనలు
భారతదేశంలోని కొన్ని రాష్ట్రాల్లో కూడా భూప్రకంపనలు నమోదయ్యాయి. జమ్మూ కాశ్మీర్‌లోని కిష్త్వార్ జిల్లాలో 3.1 తీవ్రతతో భూకంపం సంభవించింది. ఇది భూమికి 10 కిలోమీటర్ల లోతులో చోటుచేసుకున్నట్టు అధికారులు తెలిపారు. అలాగే, అరుణాచల్ ప్రదేశ్‌లోని అప్పర్ సుబన్సిరి జిల్లాలో 3.4 తీవ్రతతో భూకంపం నమోదు కాగా, ఇది 5 కిలోమీటర్ల లోతులో సంభవించింది. ఈ వరుస భూకంపాలు ప్రపంచవ్యాప్తంగా భూకంప జాగ్రత్తలపై మరింత దృష్టి సారించాల్సిన అవసరాన్ని మళ్ళీ గుర్తుచేస్తున్నాయి.
Champions League: క్రికెట్ అభిమానుల‌కు మ‌రో శుభ‌వార్త.. ఛాంపియన్స్ లీగ్ టీ20 రీ-ఎంట్రీ..!