ఈశాన్య ఢిల్లీలోని భజన్పురాలో కౌంటీ మేడ్ పిస్టల్తో 50 ఏళ్ల మహిళను 16 ఏళ్ల బాలిక కాల్చి చంపిందని (Shoots Rapist’s Mother), మైనర్ని అదుపులోకి తీసుకున్నట్లు ఢిల్లీ పోలీసు అధికారులు శనివారం తెలిపారు. పోలీసులు తెలిపిన వివరాల ప్రకారం.. 2021లో తనపై అత్యాచారం చేశాడని ఓ బాలుడి తల్లిని(50) ఓ మైనర్ బాలిక కాల్చి చంపింది. ఈ ఘటన ఢిల్లీలోని భజన్పురా ప్రాంతంలో చోటు చేసుకుంది. కిరాణా దుకాణం నడుపుతున్న ఆ మహిళ షాపులో ఉండగా బాలిక కాల్పులు జరిపినట్లు తెలుస్తోంది.
భజన్పురాలోని ఘోండా ప్రాంతంలో శనివారం సాయంత్రం 5.30 గంటల ప్రాంతంలో తుపాకీ కాల్పుల గురించి పోలీసు కంట్రోల్ రూమ్కు కాల్ వచ్చిందని డిప్యూటీ కమిషనర్ ఆఫ్ పోలీస్ (ఈశాన్య) సంజయ్ కుమార్ సేన్ తెలిపారు. ఒక పోలీసు బృందం సంఘటనా స్థలానికి చేరుకున్నప్పుడు మహిళను ఆమెకు తెలిసిన మైనర్ బాలిక కాల్చి చంపిందని, బాధితురాలిని స్థానిక నివాసితులు జగ్ ప్రవేశ్ చంద్ర ఆసుపత్రికి తీసుకెళ్లారని చెప్పారు. ఆసుపత్రిలో ఆ మహిళ తన నివాసంలోని గ్రౌండ్ ఫ్లోర్లో కిరాణా దుకాణం నడుపుతోందని, ఆమె తన దుకాణంలో ఉందని, బాలిక ఆమె వద్దకు వచ్చి కాల్చి ఆపై పారిపోయిందని పోలీసులు కనుగొన్నారు. బాధితురాలు, ఆమె కుటుంబ సభ్యులు, స్థానికులు నిందితురాలిని గుర్తించగలిగారు. బాలికను గంటల వ్యవధిలోనే పట్టుకున్నామని, ఆమె ఉపయోగించిన కంట్రీ మేడ్ పిస్టల్ను స్వాధీనం చేసుకున్నామని తెలిపారు.
Also Read: Two Suspected Terrorists Arrested: పశ్చిమ బెంగాల్లో ఇద్దరు ఉగ్రవాదులు అరెస్ట్
2021లో ఆ మహిళ కొడుకు తనపై అత్యాచారం చేశాడని బాలిక ఆరోపించింది. ఆ తర్వాత అత్యాచారం ఆరోపణలపై, లైంగిక నేరాల నుండి పిల్లల రక్షణ చట్టంలోని సంబంధిత సెక్షన్ల కింద కేసు నమోదు చేయబడింది. 25 ఏళ్ల కొడుకు అప్పుడు అరెస్టు చేయబడ్డాడు. ఇప్పటికీ జైలులో ఉన్నాడు. తన కొడుకును ఇప్పటికే అరెస్టు చేసినప్పుడు బాలిక ఎందుకు మహిళను కాల్చింది అనేది ఇంకా తెలియరాలేదని చెప్పారు. దర్యాప్తు ప్రాథమిక దశలో ఉంది. బాలికను సుదీర్ఘంగా విచారించిన తర్వాత వివరాలు స్పష్టంగా తెలుస్తాయి. మహిళ, ఆమె కుటుంబం, నిందితురాలి కుటుంబ సభ్యులతో కూడా మాట్లాడుతున్నామని తెలిపారు. బాలికకు ఆయుధం ఎక్కడి నుంచి ఎలా వచ్చింది అనే కోణంలో కూడా పోలీసులు విచారణ జరుపుతున్నారు.