కాఫీ టీ తాగడం ఆరోగ్యానికి మంచిదే అయినప్పటికీ అతిగా తాగడం మాత్రం అంత మంచిది కాదని ఆరోగ్య నిపుణులు చెబుతున్నారు. ఇకపోతే చాలామందికి ఉదయం లేవగానే కాఫీలు టీలు తాగే అలవాటు ఉంటుంది. చాలా వరకు చాలామంది కాఫీ తాగడానికి ఇష్టపడుతూ ఉంటారు.. కొందరు ఉదయాన్నే నిద్ర లేవగానే పరగడుపున బ్రష్ చేసుకోకుండా అలాగే తాగితే,మరికొందరు బ్రష్ చేసుకుని ఫ్రెష్ అప్ అయిన తర్వాత తాగుతూ ఉంటారు. ఇంకొందరు టిఫిన్లు తిన్న తర్వాత కాఫీ తాగుతూ ఉంటారు. ఇలా ఎప్పుడు పడితే అప్పుడు సమయం సందర్భం లేకుండా కాఫీలు తాగుతూ ఉంటారు.
అయితే నిజానికి కాఫీ ఉదయాన్నే ఎప్పుడు తాగాలి అన్న విషయానికి వస్తే..కాఫీ తాగడం వల్ల ఎన్నో ఆరోగ్య ప్రయోజనాలు కలుగుతాయట. కాఫీలో ఉండే కెఫిన్ కంటెంట్ మన శక్తి స్థాయిలను పెంచడానికి, ఏకాగ్రతను, అప్రమత్తతను పెంచడానికి, అభిజ్ఞా పనితీరును మెరుగుపరచడానికి సహాయపడుతుందట. అలాగే శారీరక శ్రమ పనితీరును కూడా మెరుగుపరచడానికి సహాయపడుతుందట. కాఫీ తాగితే టైప్ 2 డయాబెటిస్ వచ్చే ప్రమాదం తగ్గుతుందని చెబుతున్నారు. కాఫీలో ఉండే యాంటీ ఆక్సిడెంట్, యాంటీ ఇన్ఫ్లమేటరీ లక్షణాలు డయాబెటీస్ రిస్క్ ను చాలా వరకు తగ్గిస్తాయని చెబుతున్నారు. ఉదయం నిద్రలేచిన ఒకటి లేదా రెండు గంటల తర్వాత కాఫీ తాగాలని, ఉదయం లేవగానే ఒక గ్లాసు నీళ్లు తాగి, 2 గంటల తర్వాత కాఫీని తాగాలని చెబుతున్నారు. మీకు వీలైతే బ్రేక్ ఫాస్ట్ చేసిన తర్వాత కాఫీని తాగడం మంచిదని చెబుతున్నారు.
ఎందుకంటే ఇది మీ శరీరాన్ని రీహైడ్రేట్ చేస్తుందట. అలాగే రోజంతా మిమ్మల్ని ఎనర్జిటిక్ గా ఉంచుతుందని చెబుతున్నారు. కాఫీని పరిగడుపున తాగితే కడుపులో అసౌకర్యం కలుగుతుందట. గ్యాస్ సమస్య వచ్చే అవకాశం కూడా ఉంటుందని చెబుతున్నారు. కాఫీలోని కెఫిన్ కడుపులో ఆమ్లం, పిత్త ఉత్పత్తిని పెంచుతుందట. ఇది యాసిడ్ రిఫ్లక్స్ లక్షణాలను పెంచుతుంది. అలాగే పెద్దప్రేగు కదలికను కూడా పెంచుతుందని ఆరోగ్య నిపుణులు చెబుతున్నారు. మధ్యాహ్నం 3 గంటల తర్వాత కాఫీ తాగకూడదట. ఇది మీ నిద్ర చక్రాన్ని ప్రభావితం చేస్తుంది. అలాగే విశ్రాంతి నిద్ర పొందడాన్ని కూడా కష్టతరం చేస్తుందట.