Petticoat Cancer: భారతీయ వాతావరణంలో చాలా మంది మహిళలు రోజూ చీర కట్టుకుంటారు. ఇది సాధారణంగా రోజువారీ దుస్తులుగా పరిగణించబడుతుంది. అయితే ‘చీర’ క్యాన్సర్ (Petticoat Cancer)కు కూడా కారణమవుతుందని మీకు తెలుసా. దీనికి సంబంధించి షాకింగ్ విషయం ఒకటి వెలుగులోకి వచ్చింది. ఆ తర్వాత చీర క్యాన్సర్ లేదా పెట్టీకోట్ క్యాన్సర్ గురించి చర్చ మొదలైంది. చీర క్యాన్సర్ అంటే ఏమిటి? దాని లక్షణాలు ఎలా ఉంటాయో తెలుసుకుందాం. గతంలో దీనిని ‘చీర క్యాన్సర్’గా వ్యవహరించే వారు. అయితే లంగా నాడా బిగించి కట్టడం వల్ల ఈ క్యాన్సర్ వస్తోంది కాబట్టి ఇప్పుడు దీనిని ‘పెట్టీకోట్ క్యాన్సర్’గా పిలవనున్నారు.
పెట్టీకోట్ క్యాన్సర్ అంటే ఏమిటి?
పెటికోట్ దారాన్ని నడుము చుట్టూ చాలా బిగుతుగా ధరించే స్త్రీలలో చీర క్యాన్సర్ లేదా పెటికోట్ క్యాన్సర్ రావచ్చు. దీని కారణంగా స్త్రీలు నడుము దగ్గర దురద లేదా మంటను అనుభవించవచ్చు. క్రమేణా అది క్యాన్సర్ రూపంలోకి వస్తుంది. హిందుస్థాన్ టైమ్స్‌కి ఇచ్చిన ఇంటర్వ్యూల, బోరివాలిలోని హెచ్‌సిజి క్యాన్సర్ సెంటర్‌లో మెడికల్ ఆంకాలజీ కన్సల్టెంట్ డాక్టర్ దర్శన రాణే మాట్లాడుతూ.. గట్టిగా కట్టిన పెట్టీకోట్ (లంగా) త్రాడు లేదా నాడా కారణంగా దీర్ఘకాలిక చికాకు క్యాన్సర్‌కు దారితీస్తుందని అన్నారు.
Also Read: Aghori Met Car Accident: అఘోరీ మాత కారుకు ప్ర‌మాదం.. పోలీసులే కార‌ణ‌మా?
డాక్టర్ దర్శనా రాణే ప్రకారం.. నాడా కడుపులో ఒక చోట నిరంతరం కట్టివేయబడినప్పుడు అది చర్మ వ్యాధులకు కారణమవుతుంది. ఇది తరువాత అల్సర్లుగా అభివృద్ధి చెందుతుంది. ఈ పరిస్థితిని మార్జోలిన్ అల్సర్ అని కూడా అంటారు. అటువంటి అరుదైన సందర్భాల్లో ఇది ప్రాణాంతకం కూడా కావచ్చు.
గ్రామీణ ప్రాంతాల్లో పరిస్థితి దారుణంగా ఉంది
భారతదేశ భౌగోళిక స్థానం కూడా దీనికి పెద్ద కారణమని డాక్టర్ అభిప్రాయపడ్డారు. భారతదేశంలోని వేడి, తేమతో కూడిన వాతావరణంలో లంగా తాడు వల్ల కలిగే చికాకు మరింత తీవ్రమవుతుంది. గ్రామీణ ప్రాంతాల్లో పరిస్థితి మరింత దారుణంగా ఉంది. గట్టిగా కట్టిన నాడా చుట్టూ చెమట, ధూళి తరచుగా పేరుకుపోతాయి. దీని వల్ల చర్మ సమస్యలు వస్తాయి.
మహిళలు ప్రాథమిక లక్షణాలపై కూడా శ్రద్ధ చూపలేరు. ఉదాహరణకు.. పిగ్మెంటేషన్ లేదా కాంతి సంకేతాలు గుర్తించబడవు. దీంతో పరిస్థితి మరింత దిగజారుతోంది. గ్రామీణ ప్రాంతాల్లో మెరుగైన వైద్య సేవలు అందడం లేదు. దీన్ని నివారించాలంటే బిగుతుగా ఉండే దుస్తులు ధరించడం మానుకోవాలని, పరిశుభ్రత పాటించాలని వైద్యులు చెబుతున్నారు.