కుంకుమ పువ్వు వల్ల కలిగే ప్రయోజనాలు ఏమిటి?.. ఎలా వాడాలి?

. కుంకుమపువ్వు ఉత్పత్తి, వినియోగం

. ఆరోగ్యానికి కుంకుమపువ్వు అందించే మేలు

. హార్మోన్లు, అందం మరియు జాగ్రత్తలు

Saffron : ప్రపంచంలోనే అత్యంత ఖరీదైన సుగంధ ద్రవ్యాల్లో కుంకుమపువ్వు ఒకటి. చిన్నదైన ఈ పువ్వు వెనుక ఎంతో శ్రమ విశేషమైన ఆరోగ్య ప్రయోజనాలు దాగి ఉన్నాయి. లిల్లీ కుటుంబానికి చెందిన కుంకుమపువ్వు సాగు సేకరణ రెండూ కష్టసాధ్యమైనవే. అందుకే దీని ధర ఎప్పుడూ ఎక్కువగానే ఉంటుంది. సాధారణ వంటకాలకంటే విలాసవంతమైన వంటల్లో, ఔషధాల తయారీలో ఇది విస్తృతంగా ఉపయోగిస్తారు.

కుంకుమపువ్వు ప్రధానంగా ఇరాన్, గ్రీస్, మొరాకో, స్పెయిన్, కాశ్మీర్, ఇటలీ వంటి దేశాల్లో ఉత్పత్తి అవుతుంది. ఒక కిలో కుంకుమపువ్వు పొందాలంటే వేల సంఖ్యలో పువ్వులను చేతితో కోయాల్సి ఉంటుంది. ఈ కారణంగానే ఇది ప్రపంచంలో అత్యంత ఖరీదైన సుగంధ ద్రవ్యంగా నిలిచింది. వంటకాల విషయానికి వస్తే బిర్యానీ, స్వీట్లు, కేక్స్, కుకీస్ వంటి ప్రత్యేక వంటల్లో కుంకుమపువ్వును వాడుతారు. ఇది ఆహారానికి ఆకర్షణీయమైన రంగు, మృదువైన సువాసనను అందిస్తుంది. కృత్రిమ రంగులకు ప్రత్యామ్నాయంగా సహజమైన ఆరోగ్యకరమైన ఎంపికగా ఇది ఉపయోగపడుతుంది. అంతేకాక తేనె, పాలు, పటికి పంచదార లతో కుంకుమ పువ్వు కలిపి తినవచ్చును . కుంకుమ పువ్వుతో గాఢనిద్ర పడుతుంది . నిజానికి కుంకుమ పువ్వులో ఈ గుణాలు రోమన్ల కాలము నాడే గుర్తించారు .

కుంకుమపువ్వులో ‘క్రోసిన్’ అనే నీటిలో కరిగే కెరోటిన్ ఉంటుంది. ఇది శరీరానికి మేలు చేసే శక్తివంతమైన యాంటీ ఆక్సిడెంట్. ఆధునిక పరిశోధనల ప్రకారం క్రోసిన్ కొన్ని రకాల క్యాన్సర్ కణాల్లో అపోప్టోసిస్ (ప్రోగ్రామ్డ్ సెల్ డెత్)ను ప్రేరేపించగలదని వెల్లడైంది. దీని వల్ల ప్రమాదకరమైన క్యాన్సర్ కణాల వృద్ధి నిరోధించబడుతుంది. అంతేకాదు రోగనిరోధక శక్తిని పెంచే లింఫోసైట్ కణాల ఉత్పత్తిని కూడా కుంకుమపువ్వు ప్రోత్సహిస్తుంది. వయస్సు పెరుగుదలతో వచ్చే బలహీనతలు, జ్ఞాపకశక్తి తగ్గుదల వంటి సమస్యలను తగ్గించడంలో కూడా ఇది సహాయపడుతుందని నిపుణులు చెబుతున్నారు.

కొంతమంది బాలికల్లో వయస్సు వచ్చినప్పటికీ ఋతుక్రమం ప్రారంభం కాకపోవచ్చు. అలాంటి సందర్భాల్లో పాలలో కుంకుమపువ్వు కలిపి తీసుకోవడం హార్మోన్లను ఉత్తేజితం చేస్తుందని చెబుతారు. అలాగే లైంగిక కోరికలు, సామర్థ్యం తగ్గినవారికి ఇది సహజ ఉత్తేజకంగా పనిచేస్తుంది. నిద్రకు ముందు ఒక గ్లాస్ పాలలో చిటికెడు కుంకుమపువ్వు కలిపి తాగడం ప్రయోజనకరమని వైద్యుల సూచన. జుట్టు పెరుగుదల, జలుబు, జ్వరం వంటి సమస్యలలో కూడా కుంకుమపువ్వు ఉపయోగకరంగా ఉంటుంది. అయితే ఎంత మేలు ఉన్నా దీన్ని పరిమిత మోతాదులోనే వాడాలి. ఎక్కువగా తీసుకుంటే ఇది విషపూరితంగా మారే అవకాశం ఉంది. ముఖ్యంగా గర్భిణీలు, పాలిచ్చే తల్లులు కుంకుమపువ్వును తీసుకోవడం నివారించడం మంచిదని నిపుణులు హెచ్చరిస్తున్నారు.