Walk In Pollution: ఢిల్లీతో సహా దేశంలోని అనేక రాష్ట్రాల్లో ప్రస్తుతం కాలుష్యం (Walk In Pollution) సమస్య చాలా ఎక్కువైంది. పెరుగుతున్న కాలుష్యం మధ్య ఆరోగ్యం విషయంలో చాలా జాగ్రత్త వహించడం అత్యవసరం. ముఖ్యంగా నడవడానికి వెళ్లేవారు కొన్ని ముఖ్యమైన విషయాలను గుర్తుంచుకోవాలి. సాధారణంగా ఉదయం పూట నడక ఆరోగ్యానికి మంచిది. కానీ ఈ కాలుష్య పరిస్థితుల్లో అది అస్సలు మంచిది కాదు. ఉదయం పూట కాలుష్యం గరిష్ట స్థాయికి చేరుకుని, పొగమంచు కప్పి ఉంటుంది. ఈ సమయంలో నడవడం వల్ల లాభం కంటే నష్టమే ఎక్కువ. కాబట్టి కాలుష్యం పెరిగినప్పుడు ఉదయం పూట నడవడం ప్రమాదకరం.
ఉదయం వాకింగ్ వల్ల నష్టాలు
ఈ రోజుల్లో కాలుష్యం, చలి కారణంగా గాలి నాణ్యత (Air Quality) చాలా అధ్వాన్నంగా ఉంది. ముఖ్యంగా ఢిల్లీ-ఎన్సీఆర్ ప్రాంతంలో ఉదయం పూట కాలుష్యం అత్యధికంగా ఉంటుంది. ఆరోగ్య నిపుణుల అభిప్రాయం ప్రకారం.. చలికాలంలో పొగమంచు, స్మాగ్ ప్రభావం ఉదయం పూట ఎక్కువగా ఉంటుంది. కాబట్టి ఈ సమయంలో బహిరంగ ప్రదేశాల్లో (Open Air) నడవకుండా ఉండాలి. ఇటువంటి పరిస్థితుల్లో విషపూరితమైన గాలి ఊపిరితిత్తుల్లోకి వెళ్లకుండా నిరోధించడానికి ఉదయం పూట నడక మంచిది కాదు.
Also Read: Earthquake Today: వణికించిన భూకంపం.. ఈ దేశాల్లో భారీ ప్రకంపనలు!
సాయంత్రం వాకింగ్ సురక్షితమేనా?
ఈ పరిస్థితుల్లో మీరు సాయంత్రం వాకింగ్కి వెళ్లవచ్చు. ఎందుకంటే పగటిపూట సూర్యరశ్మి కారణంగా గాలిలోని కాలుష్య స్థాయి కొద్దిగా తగ్గుతుంది. అయితే సాయంత్రం ఆలస్యంగా రోడ్లపై ట్రాఫిక్ పెరిగే సమయానికి కాలుష్య స్థాయి మళ్లీ పెరుగుతుంది. అందువల్ల సూర్యాస్తమయానికి ముందుగానే మీ వాకింగ్ను పూర్తి చేయడం మంచిది. సూర్యుడు అస్తమించిన తర్వాత ఉష్ణోగ్రత పడిపోవడం ప్రారంభించి, కాలుష్య స్థాయి మళ్లీ పెరగడం మొదలవుతుంది. కాబట్టి సాయంత్రం ఆలస్యంగా నడవడం కూడా ఆరోగ్యానికి హాని కలిగించవచ్చు.
ఏ సమయంలో నడవడం సురక్షితం?
మొదటగా కాలుష్యం ఎక్కువగా ఉన్నప్పుడు మీరు బహిరంగ ప్రదేశాల్లో నడవకుండా ఉండాలి. ఈ పరిస్థితుల్లో ఉదయం, సాయంత్రం ఆలస్యంగా వాకింగ్ చేయడం సరికాదు. వెలుతురు ఉండి వాతావరణంలో కాస్త వెచ్చదనం ఉన్న పగటిపూట మీరు వాకింగ్కి వెళ్లవచ్చు.
బయటికి వెళ్లే ముందు ఎయిర్ క్వాలిటీ ఇండెక్స్ (AQI) స్థాయిని తప్పకుండా తనిఖీ చేయండి. AQI స్థాయి 200 కంటే ఎక్కువగా ఉంటే బహిరంగ ప్రదేశంలో నడవకుండా ఉండటమే మంచిది. మీరు ఇంట్లోనే ఫిట్నెస్ కార్యకలాపాలు చేయడం సురక్షితం. ఒకవేళ కాలుష్యం పెరిగినా మీరు వాకింగ్కి వెళ్లాల్సి వస్తే మంచి నాణ్యత గల ఫేస్ మాస్క్ ధరించి వెళ్లండి. ఇది కాలుష్యం నుండి రక్షణకు సహాయపడుతుంది. వాకింగ్కి వెళ్లాలని అనిపించకపోతే,ఇంట్లోనే స్ట్రెచింగ్, యోగా లేదా ఏరోబిక్స్ వంటి వ్యాయామాలు చేయవచ్చు.