Table Salt: ఉప్పు స్వచ్ఛతను ఎలా పరీక్షించాలి?

Table Salt: మీరు ఒక వంటకం చూస్తున్నప్పుడు లేదా టీవీలో ఏదైనా రెసిపీ చదువుతున్నప్పుడు ఒక వాక్యం సాధారణంగా కనిపిస్తుంది. అది ‘రుచికి సరిపడా ఉప్పు వేయండి’. కానీ వంటకు రుచినిచ్చే ఉప్పు (Table Salt) అసలైనదా? నకిలీదా అని మీకు తెలుసా? నకిలీ ఉప్పు మీ ఆరోగ్యానికి అనేక రకాలుగా హాని కలిగించవచ్చు. కాబట్టి స్వచ్ఛమైన, అశుద్ధమైన ఉప్పును ఎలా పరీక్షించాలో తెలుసుకోవడం ముఖ్యం. దానికి ముందు ఉప్పు తినడం వల్ల కలిగే ప్రయోజనాలను చూద్దాం.

ఉప్పు వల్ల కలిగే ఆరోగ్య ప్రయోజనాలు

• ఉప్పు తినడం వల్ల శరీరంలో అయోడిన్ లోపం తగ్గుతుంది. దీనివల్ల హైపోథైరాయిడిజం వంటి వ్యాధులు వచ్చే అవకాశం తగ్గుతుంది.
• మీ చేతులు, కాళ్ళలో వాపు సమస్య ఉంటే గోరువెచ్చని నీటిలో ఉప్పు కలిపి చేతులపై రుద్దండి. ఇది వాపు నుండి ఉపశమనం ఇస్తుంది.
• ఇంట్లో గర్భిణీ స్త్రీ ఉంటే ఆమె సరైన మోతాదులో ఉప్పు తీసుకుంటున్నారని నిర్ధారించుకోండి. ఉప్పు తినడం వల్ల తల్లి, బిడ్డ ఇద్దరికీ తగినంత అయోడిన్ లభిస్తుంది.

ఉప్పు అసలైనదా, నకిలీదా అని ఎలా పరీక్షించాలి?

ఇతర ఆహార పదార్థాల మాదిరిగానే ఉప్పులో కూడా కల్తీ జరుగుతుంది. అందుకే మీరు కొన్న ఉప్పు అసలైనదా లేదా నకిలీదా అని తెలుసుకోవడం చాలా ముఖ్యం. ఉప్పు స్వచ్ఛమైనదా లేదా అశుద్ధమైనదా అని తెలుసుకోవడానికి మీరు ఒక చిన్న ప్రయోగం చేయవచ్చు.

Also Read: CM Chandrababu Naidu: తిరుమల బ్రహ్మోత్సవాలకు సీఎం చంద్రబాబు.. రేపు, ఎల్లుండి పర్యటన!

ముందుగా ఒక బంగాళాదుంప తీసుకోండి. దానిని సగానికి కోసి రెండు ముక్కలు చేయండి. ఇప్పుడు ఒక ముక్క మీద మీరు కొనుగోలు చేసిన ఉప్పును వేసి సుమారు 3 నుండి 4 నిమిషాలు వేచి ఉండండి. మూడు, నాలుగు నిమిషాల తర్వాత ఉప్పు వేసిన చోట కొద్దిగా నిమ్మరసం పిండండి. ఇప్పుడు కాసేపు వేచి ఉండండి. కొన్ని నిమిషాల తర్వాత బంగాళాదుంప రంగు క్రమంగా నీలం రంగులోకి మారితే మీ ఉప్పు అశుద్ధమైనదని, అందులో కల్తీ జరిగిందని అర్థం చేసుకోండి. ఒకవేళ ఉప్పు రంగు మారకపోతే మీరు ఎలాంటి భయం లేకుండా దానిని ఉపయోగించవచ్చు.

కల్తీ ఉప్పు తినడం వల్ల కలిగే ఆరోగ్య సమస్యలు

• కల్తీ ఉప్పు తినడం వల్ల కాలేయానికి సంబంధించిన తీవ్రమైన వ్యాధులు రావొచ్చు.
• కల్తీ ఉప్పు జీర్ణవ్యవస్థపై కూడా చెడు ప్రభావం చూపుతుంది. ఇది జీర్ణవ్యవస్థను పాడుచేసి కడుపులో వాపు, నొప్పి సమస్యలను పెంచవచ్చు.
• కడుపులో గ్యాస్ సమస్య ఉన్నవారు కల్తీ ఉప్పు తినడం వల్ల అనేక సమస్యలను ఎదుర్కోవచ్చు.
• కల్తీ ఉప్పు మెదడు, మూత్రపిండాలకు కూడా హాని చేస్తుంది. దీనివల్ల కిడ్నీలో రాళ్లు ఏర్పడవచ్చు.
• నకిలీ ఉప్పు తినడం వల్ల కీళ్ల నొప్పుల సమస్య పెరగవచ్చు.
• మీ థైరాయిడ్ హార్మోన్లు అసమతుల్యంగా మారవచ్చు.