డయాబెటిస్ (Diabetes) అనేది దీర్ఘకాలిక వ్యాధి. ఎందుకంటే దీన్ని పూర్తిగా నయం చేయలేము. కానీ జీవనశైలిలో మార్పులు చేసుకోవడం ద్వారా దీనిని నియంత్రించవచ్చు. ప్యాంక్రియాస్ తగినంత ఇన్సులిన్ను ఉత్పత్తి చేయలేనప్పుడు లేదా ఇన్సులిన్ను సరిగ్గా ఉపయోగించలేనప్పుడు మధుమేహం సమస్య ఏర్పడుతుంది. దీని కారణంగా శరీరంలోని రక్తంలో చక్కెర స్థాయి పెరుగుతుంది. ఆహారం, జీవనశైలిలో మార్పులు చేసుకోవడం ద్వారా మధుమేహ సమస్యను అదుపులో ఉంచుకోవచ్చు.
మధుమేహం (Diabetes) సమస్య ఉన్నప్పటికీ ధూమపానం చేసేవారు చాలా మంది ఉన్నారు. ఇది మీ ఆరోగ్యానికి చాలా ప్రమాదకరమని నిరూపించవచ్చు. మధుమేహ వ్యాధిగ్రస్తులు ధూమపానం చేసినప్పుడు, అది వారి రక్తంలో చక్కెర స్థాయిని పెంచుతుంది. ఈ పరిస్థితిలో, మధుమేహాన్ని నిర్వహించడం మీకు చాలా కష్టంగా ఉంటుంది. కొన్ని సమస్యలు తలెత్తుతాయి. అవేంటో ఇప్పుడు తెలుసుకుందాం..
ధమనులు గట్టిపడటం: ధూమపానం కారణంగా, డయాబెటిక్ రోగుల ధమనులు చాలా గట్టిగా మారడం ప్రారంభిస్తాయి. దాని కారణంగా వారి మధుమేహ సమస్య మరింత పెరుగుతుంది.
గుండె సంబంధిత సమస్యలు: మధుమేహం ఉన్నవారు ధూమపానం చేస్తే.. గుండె సంబంధిత వ్యాధులు వచ్చే ముప్పు పెరుగుతుంది.
కిడ్నీ సంబంధిత వ్యాధులు: మధుమేహం ఉన్నవాళ్లు ధూమపానం చేస్తే కిడ్నీ సంబంధిత వ్యాధులు, కంటి ఇన్ఫెక్షన్లు వచ్చే ముప్పు పెరుగుతుంది.
లో అండ్ హై గ్లూకోజ్ లెవల్స్: మీరు డయాబెటిస్తో బాధపడుతుండగా ధూమపానం చేస్తే, అది శరీరంలో గ్లూకోజ్ స్థాయిని పెంచుతుంది. కొన్ని సందర్భాల్లో గ్లూకోజ్ స్థాయిని తగ్గిస్తుంది. ఇది మీ ఆరోగ్య పరిస్థితిని మరింత దిగజారుస్తుంది.
అల్బుమినూరియా (Albuminuria): అల్బుమినూరియా సమస్య ఉన్నప్పుడు.. మూత్రంలో అసాధారణమైన అల్బుమిన్ కనుగొనబడుతుంది. ఇది ఒక రకమైన ప్రోటీన్. సాధారణ స్థితిలో, అల్బుమిన్ ప్రతి ఒక్కరి మూత్రంలో కనిపిస్తుంది. కానీ మూత్రపిండాల వ్యాధి కారణంగా మూత్రంలో అల్బుమిన్ పరిమాణం చాలా పెరుగుతుంది. ఈ వ్యాధి కారణంగా నరాలకు సంబంధించిన రుగ్మతలు వచ్చే ముప్పు చాలా పెరుగుతుంది. అలాగే శరీరానికి అయ్యే గాయాలు కూడా నయం కావడానికి చాలా సమయం పడుతుంది.
టైప్ 2 డయాబెటిస్: మిగిలిన వారితో పోలిస్తే ధూమపానం చేసే వారికి టైప్ 2 డయాబెటిస్ వచ్చే ముప్పు చాలా ఎక్కువగా ఉన్నట్లు గుర్తించబడింది.