చక్కెర (Sugar ) శరీరానికి శక్తినిస్తుందని చాలా మంది భావిస్తారు. కానీ ఎక్కువ చక్కెర తీసుకోవడం అనేది అనేక ఆరోగ్య సమస్యలకు దారితీస్తుంది. ప్రపంచ ఆరోగ్య సంస్థ (WHO) ప్రకారం.. మనం రోజువారీ ఆహారంలో ఎంత చక్కెర తీసుకోవాలో తెలుసుకోవడం చాలా ముఖ్యం. మహిళలు రోజుకు 6 టీ స్పూన్లు (25 గ్రాములు) చక్కెరతో సరిపోతుందని, పురుషులు 9 టీ స్పూన్లు (36 గ్రాములు) కంటే ఎక్కువ తీసుకోవద్దని సూచించారు. పిల్లలకు 6 టీ స్పూన్లు (25 గ్రాములు) చక్కెర సరిపోతుంది. కానీ భారతదేశంలో చక్కెర వినియోగం అధికంగా ఉంది. ముఖ్యంగా బిస్కెట్లు, కూల్‌డ్రింక్స్, స్వీట్లు, చాక్లెట్లు వంటి ప్రాసెస్ చేసిన ఆహార పదార్థాల ద్వారానే.
Mumbai Indians: ఉప్ప‌ల్ స్టేడియంలో స‌న్‌రైజ‌ర్స్‌ను చిత్తు చేసిన ముంబై ఇండియ‌న్స్‌!
చక్కెర (Sugar ) అధికంగా తీసుకోవడం వల్ల అనేక ఆరోగ్య సమస్యలు ఏర్పడతాయి. అధిక శరీర బరువు, డయాబెటిస్, గుండె జబ్బులు, రక్తపోటు, కొలెస్ట్రాల్ స్థాయిలు పెరగడం వంటి అనారోగ్యాలు అధిక చక్కెర వల్ల వచ్చే అనేక రిస్క్ ఫాక్టర్లలో భాగం. ప్రాసెస్ చేసిన చక్కెర పదార్థాలు ఎక్కువ కేలరీలు కలిగి ఉండి, శరీరానికి కావలసిన పోషకాలు అందించవు, దీనివల్ల ఒబెసిటీ మరియు టైప్ 2 డయాబెటిస్ వంటి సమస్యలు ఏర్పడతాయి. చక్కెర తక్కువగా ఉన్న ఆహారం మరియు జీవనశైలి మార్పులు గుండె ఆరోగ్యం కాపాడడంలో సహాయపడతాయి.
చక్కెర (Sugar ) వాడకం తగ్గించడానికి కొన్ని సులభ చిట్కాలు ఉన్నాయి. ప్రాసెస్ చేసిన ఆహారాలు తీసుకునే ముందు లేబుల్స్ పరిశీలించడం, చక్కెర పానీయాలను తగ్గించడం, బదులుగా నీరు లేదా హెర్బల్ టీ సేవించడం, తాజా పండ్లు మరియు కూరగాయలను తరచుగా తీసుకోవడం చాలా ప్రయోజనకరమైనవి. అలాగే, సహజ స్వీటెనర్లు అయిన తేనె లేదా ఖర్జూరం వంటి ఆహారాలు ఉపయోగించడం కూడా ఉత్తమంగా ఉంటుంది. ఆరోగ్యకరమైన జీవనశైలి పాటించడం ద్వారా చక్కెర వినియోగం పరిమితం చేయడం, మన ఆరోగ్యానికి మేలు చేస్తుంది.