Rinku Singh Father: భారత క్రికెటర్ రింకూ సింగ్ తండ్రి ఖాన్చంద్ర సింగ్ స్టేజ్ 4 లివర్ క్యాన్సర్తో మరణించారు. లివర్ క్యాన్సర్ స్టేజ్ 4ని ‘మెటాస్టాటిక్ లివర్ క్యాన్సర్’ అని పిలుస్తారు. ఈ దశలో క్యాన్సర్ కణాలు కాలేయం నుండి శరీరంలోని ఇతర భాగాలకు వ్యాపిస్తాయి. నాలుగో దశలో క్యాన్సర్ కణాలు ఊపిరితిత్తులు, ఎముకలు, శోషరస కణుపులను కూడా ప్రభావితం చేస్తాయి. లివర్ క్యాన్సర్ స్టేజ్ 4 అంటే ఏమిటి? అది శరీరాన్ని ఎలా ప్రభావితం చేస్తుందో ఇక్కడ తెలుసుకుందాం.
లివర్ క్యాన్సర్ స్టేజ్ 4 అంటే ఏమిటి?
- స్టేజ్ 1: క్యాన్సర్ కణాలు కాలేయంలోనే ఉంటాయి. రక్త నాళాలకు లేదా శోషరస కణుపులకు వ్యాపించవు.
- స్టేజ్ 2: కణితి పెద్దదై, కాలేయం లోపల ఉన్న నాళాలకు వ్యాపిస్తుంది.
- స్టేజ్ 3: క్యాన్సర్ శోషరస కణుపులకు, పెద్ద రక్తనాళాలకు వ్యాపిస్తుంది. ఈ దశలో పరిస్థితి తీవ్రమవుతుంది.
- స్టేజ్ 4: క్యాన్సర్ కాలేయం చుట్టూ ఉన్న అవయవాలకు, కణజాలాలకు వ్యాపిస్తుంది.
Also Read: తెలంగాణలో మార్చి 1 నుంచి కొత్త రూల్స్!!
లివర్ క్యాన్సర్ స్టేజ్ 4 లక్షణాలు
నాలుగో దశ అత్యంత తీవ్రమైనది. క్యాన్సర్ ఏ అవయవాలకు ఎంతవరకు వ్యాపించింది అనే దానిపై లక్షణాలు ఆధారపడి ఉంటాయి.
- కామెర్లు రావడం, చర్మం పసుపు రంగులోకి మారడం.
- ప్రయత్నం చేయకుండానే బరువు వేగంగా తగ్గిపోవడం.
- ఆకలి మందగించడం.
- శరీరం నిరంతరం అలసటగా అనిపించడం.
- పొత్తికడుపులో నొప్పి, వాపు కనిపించడం.
- తరచుగా కడుపు సమస్యలు తలెత్తడం.
- శ్వాస తీసుకోవడంలో ఇబ్బంది కలగడం.
- మానసిక స్థితిపై కూడా క్యాన్సర్ ప్రభావం చూపుతుంది.
స్టేజ్ 4 క్యాన్సర్ చికిత్స
లివర్ క్యాన్సర్కు కీమోథెరపీ, టార్గెటెడ్ థెరపీ, ఇమ్యునోథెరపీ వంటి చికిత్సలను అందిస్తారు. లోకలైజ్డ్ ట్రీట్మెంట్లో రేడియో ఫ్రీక్వెన్సీ అబ్లేషన్, ట్రాన్స్ఆర్టెరియల్ కీమోఎంబోలైజేషన్ వంటి పద్ధతులను ఉపయోగిస్తారు. వీటితో పాటు రోగి జీవన ప్రమాణాలను మెరుగుపరచడానికి ‘సపోర్టివ్ కేర్’ అందిస్తారు. పరిస్థితిని బట్టి ‘లివర్ ట్రాన్స్ప్లాంట్’ (కాలేయ మార్పిడి) కూడా ఒక ఎంపికగా ఉంటుంది.