సమాజంలో చిన్నపిల్లల నుంచి పెద్దవారు వరకు ప్రతి ఒక్కరిని పట్టిపీడిస్తున్న సమస్యలలో డయాబెటిస్ సమస్య కూడా ఒకటి. ఈ డయాబెటిస్ ఇదివరకు రోజుల్లో కేవలం ముసలివారికి అలాగే వయసు మీద పడిన వారికి మాత్రమే వచ్చేది. కానీ రాను రాను మారుతున్న కాలానికి అనుగుణంగా ప్రజల జీవనశైలిలో మార్పులు రావడంతో పాటుగా ఆహారపు అలవాట్లలో మార్పులు రావడంతో షుగర్ వ్యాధి చిన్న వయసు వారికి వస్తోంది. దీంతో రక్తంలోని షుగర్ స్థాయిలను నియంత్రణలో ఉంచుకోవడం కోసం ఎంతో ఇష్టమైన తిండిని కూడా తినలేక చాలామంది అనేక ఇబ్బందులను ఎదుర్కొంటున్నారు. డయాబెటిస్ ఉన్నవారు ఎటువంటి పదార్థాలు తినాలి అన్న కూడా సంకోచిస్తూ ఉంటారు. అటువంటి వాటిలో మన వంటింట్లో దొరికే ముల్లంగి కూడా ఒకటి.
చాలామంది డయాబెటిస్ పేషెంట్లు ముల్లంగి తింటే ఏమైనా జరుగుతుందా అని ఆలోచిస్తూ ఉంటారు. మరి ఆ విషయం గురించి ఇప్పుడు మనం తెలుసుకుందాం.. డయాబెటిస్ ఉన్నవారు ముల్లంగి తీసుకోవచ్చా అంటే కచ్చితంగా ముల్లంగి తీసుకోవడం అవసరం. ముల్లంగి లో చక్కెర ఎక్కువగా ఉండదు. అలాగే కార్బోహైడ్రేట్లు కూడా చాలా తక్కువగా ఉంటాయి. ఇది రక్తంలో గ్లూకోజ్ అభివృద్ధిని నియంత్రిస్తుంది. ముల్లంగిలో అనేక యాంటీ డయాబెటిక్ గుణాలు ఉన్నాయి. మధుమేహ వ్యాధిగ్రస్తులకు, ముల్లంగి ఒక అద్భుతమైన ఔషధం అని చెప్పవచ్చు. ముల్లంగిలో ఉండే పీచు ఆకలిని నియంత్రిస్తుంది. ఆరోగ్యకరమైన జీర్ణవ్యవస్థను నియంత్రించడంలో ఎంతో బాగా ఉపయోగపడుతుంది.
మలబద్ధకం, అజీర్ణం, ప్రేగు సంబంధిత ఇన్ఫెక్షన్లు ఇతర సమస్యలను నివారించడానికి ముల్లంగి ఎంతగానో ఉపయోగపడుతుంది. ఇది మధుమేహ వ్యాధిగ్రస్తులలో రక్తపోటు సమస్యలను తగ్గించగలదు. ముల్లంగిలో ఉండే ఫ్లేవనాయిడ్లు ఫ్రీ రాడికల్స్తో పోరాడి శరీరానికి హాని కలగకుండా కాపాడతాయి. ముల్లంగిని రోజువారీ ఆహారంలో చేర్చుకోవడం వల్ల యూరినరీ ట్రాక్ట్ ఇన్ఫెక్షన్ల ప్రమాదాన్ని తొలగిస్తుంది. ఈ కూరగాయలో నీటి శాతం ఎక్కువగా ఉంటుంది. ఇది శరీరాన్ని హైడ్రేటెడ్గా ఉంచుతుంది. కిడ్నీలో రాళ్లు ఏర్పడకుండా ఉండేందుకు సహాయపడుతుంది. ముల్లంగిలో విటమిన్ సి ఉంటుంది. ఇది శరీరాన్ని సురక్షితంగా ఉంచడంలో సహాయపడుతుంది. ముల్లంగి టాక్సిన్స్ను విడుదల చేయడంలో, కాలేయం నుండి హానికరమైన అంశాలను తొలగించడంలో కూడా సహాయపడుతుంది. ముల్లంగిలో సహజమైన నైట్రేట్లు ఉన్నాయి, ఇవి శరీరంలో రక్త ప్రసరణను మెరుగుపరచడంలో సహాయపడతాయి.