నిద్ర లేక‌పోతే బ్రెయిన్ డ్యామేజ్ అవుతుందా?

Brain Damage: మెదడు శరీరంలో అత్యంత క్లిష్టమైన, ముఖ్యమైన అవయవం. ఇది కంట్రోల్ సెంటర్ (నియంత్రణ కేంద్రం) వలె పనిచేస్తుంది. మెదడులో ఏదైనా సమస్య తలెత్తితే, మొత్తం శరీరం పనిచేయడం ఆగిపోతుంది లేదా శరీర పనితీరుపై తీవ్ర ప్రభావం పడుతుంది. అయితే తెలిసి తెలియక చేసే కొన్ని తప్పుల వల్ల మెదడు ఆరోగ్యం దెబ్బతింటుంది. బ్రెయిన్ డ్యామేజ్ (మెదడు దెబ్బతినడం) అయ్యే ప్రమాదం ఉంది. దీని గురించి నిపుణులు నిద్రలేమి మెదడును ఎలా దెబ్బతీస్తుందో వివరించారు.

మెదడును దెబ్బతీసే నిద్రలేమి

నిపుణుల‌ ప్రకారం.. నిద్రకు సంబంధించిన పొరపాట్లు మెదడు దెబ్బతినడానికి ప్రధాన కారణం కావచ్చు. ఆరోగ్యకరమైన మెదడు కోసం ఒక వ్యక్తికి ఖచ్చితంగా 7 నుండి 8 గంటల నిద్ర అవసరం. నిద్ర తక్కువైతే బ్రెయిన్ ఫాగ్ (Brain Fog), ఆందోళన పెరగడం, ఏకాగ్రత దెబ్బతినడం, జ్ఞాపకశక్తి కోల్పోయే పరిస్థితులు ఏర్పడవచ్చు. అందుకే మంచి నిద్ర కోసం ఈ క్రింది విషయాలను తప్పక పాటించాలి.

Also Read: ఎల్పీజీపై గుడ్ న్యూస్ చెప్పిన కేంద్రం!

సమయానికి ఆహారం: రాత్రి 8 లేదా 9 గంటలలోపు డిన్నర్ పూర్తి చేయాలి. పడుకోవడానికి కనీసం 2 గంటల ముందే భోజనం చేయడం చాలా ముఖ్యం.

ఒకే సమయానికి నిద్ర: పడుకునే సమయాన్ని క్రమబద్ధంగా ఉంచుకోండి. అది పని దినాలైనా లేదా వారాంతమైనా, ఒకే సమయానికి నిద్రపోయేలా ప్రయత్నించండి.

స్క్రీన్ ఆఫ్ చేయడం: నిద్రపోయే 2 గంటల ముందే ఫోన్, టీవీ లేదా లాప్‌టాప్ వంటి స్క్రీన్‌లను ఆపేయండి. మొబైల్ చూస్తూ నిద్రపోవడం వల్ల ఉదయం లేవగానే తలనొప్పి వచ్చే అవకాశం ఉంటుంది.

రాయడం అలవాటు చేసుకోండి: మీకు రాత్రిపూట నిద్ర రాకపోతే ఏదైనా రాయడానికి ప్రయత్నించండి. మీ మనసులోని మాటలను కాగితంపై పెడితే ప్రశాంతంగా నిద్ర పట్టేందుకు సహాయపడుతుంది.

బ్రెయిన్ డ్యామేజ్ లక్షణాలు ఎలా ఉంటాయి?

• మెదడు దెబ్బతిన్నప్పుడు ఆలోచించే, అర్థం చేసుకునే శక్తి తగ్గుతుంది.
• మెదడులో అయోమయ స్థితి ఏర్పడుతుంది.
• వస్తువులను లేదా విషయాలను మర్చిపోవడం మొదలవుతుంది.
• ఏకాగ్రత నిలపడంలో ఇబ్బందులు ఎదురవుతాయి.
• ఎవరైనా ఏదైనా అడిగినప్పుడు సమాధానం ఇవ్వడంలో ఆలస్యం జరగవచ్చు.
• నిరంతరం తలనొప్పిగా అనిపించడం కూడా బ్రెయిన్ డ్యామేజ్ లక్షణమే.
• కళ్లు తిరగడం సంభవించవచ్చు.
• తరచుగా శరీర సమతుల్యత దెబ్బతింటుంది.
• కంటిచూపు మసకబారడం లేదా చెవుల్లో ఈల వేసినట్లు శబ్దం రావడం జరగవచ్చు.
• మూర్ఛ వ్యాధి వచ్చే అవకాశం ఉంటుంది.
• మాట్లాడటంలో, ఇతరులు చెప్పేది అర్థం చేసుకోవడంలో ఇబ్బంది కలగవచ్చు.

ఇతర మార్పులు కూడా సంకేతాలే

మెదడు దెబ్బతిన్నప్పుడు ఆ వ్యక్తికి తెలియకుండానే విపరీతమైన కోపం రావడం, డిప్రెషన్‌కు గురికావడం లేదా ప్రవర్తనలో మార్పులు రావడం వంటివి జరుగుతాయి.