Plastic Brushes: దంతాల మెరుపును, ఆరోగ్యాన్ని కాపాడుకోవడానికి రోజూ బ్రష్ చేయడం చాలా ముఖ్యం. దీనివల్ల నోటి దుర్వాసన తగ్గడమే కాకుండా చిగుళ్ల ఆరోగ్యం మెరుగుపడుతుంది. అయితే ఆయుర్వేద నిపుణులప్రకారం.. మనం వాడే ప్లాస్టిక్ బ్రష్లు, కొన్ని రకాల టూత్పేస్ట్లు ఆరోగ్యానికి హాని కలిగించవచ్చు.
ప్లాస్టిక్ బ్రష్ల వల్ల కలిగే నష్టాలు
మీరు సుదీర్ఘకాలం పాటు ఒకే ప్లాస్టిక్ బ్రష్ను వాడుతుంటే జాగ్రత్త వహించాలి.
మైక్రోప్లాస్టిక్స్: వీటి తయారీలో మైక్రోప్లాస్టిక్స్, BPA లేదా ఫ్తాలెట్స్ వంటి రసాయనాలను ఉపయోగిస్తారు.
హార్మోన్ల అసమతుల్యత: ఈ రసాయనాలు శరీరంలోకి చేరి హార్మోన్ల సమతుల్యతను దెబ్బతీస్తాయి.
క్యాన్సర్ ప్రమాదం: ఒకే బ్రష్ను ఎక్కువ కాలం వాడటం వల్ల శరీరంలో టాక్సిన్స్ పెరిగి, దీర్ఘకాలంలో క్యాన్సర్ వంటి తీవ్ర వ్యాధులకు దారితీసే అవకాశం ఉందని నిపుణులు హెచ్చరిస్తున్నారు.
Also Read: విజయ్ హజారే ట్రోఫీ.. 15 ఏళ్ల తర్వాత కోహ్లీ, ఏడేళ్ల తర్వాత రోహిత్!
టూత్పేస్ట్తో జాగ్రత్త!
టూత్పేస్ట్లలో ఉండే SLS క్యాన్సర్కు కారకం కావచ్చని నిపుణుల అభిప్రాయం.
వేప పుల్ల: వారానికి కనీసం 5 రోజులు వేప పుల్లతో పళ్లు శుభ్రం చేసుకోవడం ఉత్తమం.
పిల్లల విషయంలో జాగ్రత్త: అమెరికన్ డెంటల్ అసోసియేషన్ ప్రకారం.. టూత్పేస్ట్లోని ఫ్లోరైడ్ పిల్లలకు హాని కలిగించవచ్చు. అందుకే చిన్న పిల్లలకు టూత్పేస్ట్ వాడేటప్పుడు చాలా జాగ్రత్తగా ఉండాలి.
గమనించాల్సిన హెచ్చరిక సంకేతాలు
మీ పళ్ల ఆరోగ్యం దెబ్బతింటున్నప్పుడు శరీరంలో ఈ క్రింది లక్షణాలు కనిపిస్తాయి.
- చిగుళ్ల నుండి రక్తం రావడం.
- నోటిలో తరచూ పూత రావడం.
- నాలుకపై మందపాటి పొర పేరుకుపోవడం.
- నోటి నుండి తీవ్రమైన దుర్వాసన రావడం.
- దంతాలు బలహీనపడటం లేదా కదలడం.
- చిగుళ్లలో వాపు లేదా నొప్పి.
నిపుణుల సూచనలు
బ్రష్ మార్చండి: ప్రతి 2 నెలలకు ఒకసారి పాత బ్రష్ను మార్చి, మంచి నాణ్యత కలిగిన బ్రష్ను వాడండి.
వేప పుల్ల వాడకం: సహజమైన వేప పుల్లలతో పళ్లు తోముకోవడం వల్ల బ్యాక్టీరియా నశిస్తుంది.
గోరువెచ్చని నీరు: ఉదయాన్నే లేవగానే గోరువెచ్చని నీటితో నోటిని శుభ్రం చేసుకోవడం (పుక్కిలించడం) మంచిది.