Lizard Venom VS Diabetes : మనకు డయాబెటిస్ (షుగర్) గురించి బాగా తెలుసు. నిత్యం ఎంతోమంది షుగర్ వ్యాధి బారినపడుతున్నారు. కానీ చాలామందికి ‘గిలా మాన్స్టర్’(Gila monster) గురించి తెలియదు. గూగుల్‌లో లేదా యూట్యూబ్‌లో ఈ పదం టైప్ చేసి చూడండి మీకే తెలుస్తుంది. దాన్ని చూసి పాము అనుకునేరు. అది బల్లి. పెద్దసైజులో ఉంటుంది అంతే. అమెరికాలోని ఎడారి ప్రాంతాల్లో చాలా అరుదుగా ఈ బల్లులు కనిపిస్తుంటాయి. ‘గిలా మాన్స్టర్’ బల్లులు విషపూరితమైనవి. అవి కాటేస్తే మనిషి బతకలేడు. అలాంటి బల్లులకు డయాబెటిస్ వ్యాధితో లింక్ ఉంది. అదేమిటో ఈ కథనంలో తెలుసుకుందాం..
Also Read :Shashi Tharoor: శశి థరూర్ ఏం చేయబోతున్నారు ? ఆయన ఫ్యూచర్ ప్లాన్ ఏమిటి ?
‘గిలా మాన్స్టర్’ బల్లుల్లో ఏముంది ?
- ‘జీఎల్‌పీ-1’ అనే పదానికి ఫుల్ ఫామ్ ‘గ్లూకాగాన్ లైక్ పెప్టైడ్ 1’. కొన్ని షుగర్ మాత్రలపై GLP-1 అని రాసి ఉండటాన్ని మనం చూస్తుంటాం.
- GLP-1 అనేది ఒక హార్మోన్. ఇది మనిషి శరీరంలోని బ్లడ్ షుగర్ స్థాయులను(Lizard Venom VS Diabetes) నియంత్రిస్తుంది.
- టైప్-2 షుగర్(డయాబెటిస్), ఒబెసిటీ సమస్యల చికిత్సలో GLP-1తో కూడిన ఔషధాలను వైద్యులు ఇస్తుంటారు.
- ‘గిలా మాన్స్టర్’ బల్లుల విషంలోనూ GLP-1 హార్మోన్ తరహా ప్రొటీన్ ఉంటుందని శాస్త్రవేత్తలు గతంలోనే గుర్తించారు.
- కెనడాకు చెందిన ప్రముఖ ఎండో క్రైనాలజిస్ట్ డేనియల్ డ్రక్కర్ షుగర్ ఔషధాలపై బాగా రీసెర్చ్ చేశారు. ఈక్రమంలో గతంలో ఇదే అంశంపై రీసెర్చ్ చేసిన పలువురి అధ్యయన నివేదికలను ఆయన చదివారు. మనిషి శరీరంలోని జీఎల్‌పీ-1 హార్మోన్ తరహా ప్రొటీన్ ఒకటి ‘గిలా మాన్స్టర్’ విషంలో ఉందని అందులో ఉండటాన్ని డ్రక్కర్ గుర్తించారు. తదుపరిగా గిలా మాన్స్టర్ బల్లులపై ఆయన లోతుగా రీసెర్చ్ మొదలుపెట్టారు.
Also Read :Kash Patel Vs Elon Musk : అమెరికా సర్కారులో ‘మస్క్’ దుమారం.. పెదవి విరిచిన కాష్ పటేల్
- అమెరికాలోని ఉతా రాష్ట్రంలో ఉన్న ఒక జూ నుంచి ఓ గిలా మా‌న్‌స్టర్‌ను తీసుకొచ్చి ఎండో క్రైనాలజిస్ట్ డేనియల్ డ్రక్కర్ పరిశోధనలు చేశారు.
- గిలా మాన్స్టర్ జన్యువులు ‘ఎగ్జెండిన్ -4’(Exendin-4) అనే ప్రొటీన్‌ను ఉత్పత్తి చేస్తున్నట్లు ఈ రీసెర్చ్‌లో గుర్తించారు. ఆ ప్రొటీన్ అచ్చం మనిషి శరీరంలోని జీఎల్‌పీ-1 (GLP-1) హార్మోన్‌లా ఉందని తేలింది.
- తదుపరిగా అమెరికా ప్రభుత్వం నుంచి అనుమతి పొంది గిలా మా‌న్‌స్టర్‌‌లో ఉత్పత్తి అయ్యే ‘ఎగ్జెండిన్ -4’(Exendin-4) ప్రొటీన్‌ను ఉపయోగించి GLP-1 సింథటిక్ వర్షన్‌ను డేనియల్ డ్రక్కర్ తయారు చేశారు.
- ఇలా తయారైన GLP-1 సింథటిక్ వర్షన్‌ను టైప్2 డయాబెటిస్ రోగులకు, ఒబెసిటీ బాధితులకు ఇచ్చేందుకు 2005లోనే అనుమతులు మంజూరయ్యాయి.